Utoqqasaat futsalimik GM-erneranni pissartanngortut

Sapaatip akunnerata naanerani Inussivimmi Nuummiittumi futsalimik unamminerit arlallit ingerlanneqarput.

Tassani utoqqasaat futsalimik Nunatsinni pissartanngorniunnerat ingerlanneqarput. Pissartanngorniunnerit marlunnut agguataarneqarsimapput 35-niik qummut aammalu 45-niik qummut ukiulinnut agguataarneqarsimallutik.

'Inuusunnerumaani' 'utoqqaanerumaanilu' peqatigiiffiit qulit pissartanngorniunnermi peqataapput.

SAK ajugaalluartoq

35-niik ukiullit pissartanngorniunneranni Sisimiuninngaannesut SAK Nunatsinni pissartanngorput. Taakku pissartanngorniutivinnermi K-1933 Qaqortuminngaanneersut 3-1-mik ajorsartippaat.

Anders H. Petersen B-67-minngaanneersoq pissartanngorniutivinnerni isaatitsinerpaavoq, Peri Fleischerilu SAK-minngaanneersoq pissartanngorniutivinnerni arsallammattut toqqangaalluni. Nagdlunguak Ilulissaneersut bronzennapput, N-85-lu Narsaminngaanneersut pissartanngorniutivinnerni sisamaattut inissillutik.

Hjemmabernertut pissartanngortut

'Utoqqaanerumaani' hjemmebanertut B-67 Nunatsinni pissartanngorput. Taakku pissartanngorniutivinnermi nunaqqatitik NÛK-p hold 2-vi ajorsartippaat. Nagdlunguak bronzennappoq N-85-lu sisamaattut inissillutik.

David Thomassen pissartanngorniutivinnerni isaatitsinerpaavoq, Kim Holmegårdilu B-67-minngaanneersoq arsallammattut toqqangaalluni.

Pissartanngorniunnerni inissinnerit tamakkiisumik allaaserisap talerpia-tungaani takukkit