Skip to main content

Utoqqalinersinissamut ukiut 65-iuinnarlik

Nunatsinni utoqqaat kattuffianni ilaasortat amerlanersaasa 2021-mi ukiortaamiit utoqqalinersiaqalernissamut ukiut 65-iniit 67-inut qaffanneqarnissaat akerleraat.

Tunngaviusumik utoqqalinersiaqalernissamut inatsit Inatsisartut upernaakkut ataatsimiinneranni allanngortussaammat Kattuffiup Utoqqaat Nipaata kissaatigaa tassunga atatillugu utoqqalinersiaqarnissamut ukiut aamma allanngortinneqassasut taamaalillutik 65-inut utertinneqarlutik ukiup aallartinnerani ukiunut 67-inut qaffannagit.

Aviisi Sermitsiaq taama allappoq.

- Utoqqalinersiaqalernissamut ukiut 67-inut allanngortinnerat akerleraarput. Ilaasortavut isumaqarput upernaakkut ataatsimiinnermi aamma tunngaviusumik utoqqalinersiat oqaluuserinerannut ilanngullugu aalajangerneqarluni ukiunut 65-inut uteqqittoqassasoq. Isumaqarpugut utoqqalinersiaqarnissamut killigititaasoq matumani tulluanngittoq nunanit allanit inuunermi atukkat allarluinnaammata, Kattuffimmi Utoqqaat Nipaanni siulittaasoq Karl Berthelsen oqarpoq.

Kattuffik partiinut tamanut allagaqarsimavoq kiisalu utoqqaat illersuisuannut Helene Heilmannimut. Utoqqartuulli akerleraa utoqqalinersiaqarniarluni qinnuteqarniaraanni killigititaasup 65-iniit 67-inut qaffanneqarnissaa.

- Utoqqalinersiaqalersinnaanermut ukiut qaffanneqartuarnerat isumaqataaffiginngilara. Danmarkimisut iliuinnartoqarsinnaanngilaq utoqqaat amerligaangata utoqqalinersinissamut ukiut qaffallugit. Taamaattumik naalakkersuinermik suliaqartut nunani allani qanoq iliortoqarnersoq assilisariaqanngilaat. Ernummatigisinnaavara siunissami siusinaartumik utoqqalinersiaqalersut amerlanerulissasut taama sivisutigisumik suliinnarsinnaannginnamik utoqqalinersiaqalernissamullu ukiut angusinnaanagit, utoqqaat illersuisuat Helene Heilmann oqarpoq.

Aviisimi Sermitsiami atuarnerusinnaavutit, aviisi uani pissarsiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER