Utoqalinerisaqarneq
Utoqqalinersiaqarnerup aaqqissuuteqqinneqarnissaa amerlanerussutillit taperserpaat
Utoqqalinersiaqalersiaqartalernissamut ukiunik marlunnik sivitsuunissaq partiit amerlanerit isumaqatigaat
Ukiut utoqqalinersiaqartalerfissat ukiut marlussuit ingerlaneranni amerlineqarnissaannut amerlanerussuteqartut isumaqataapput. Illua'tungiliuttut apeqqusiinnarpaat malittarisassat nutaat qaqugu atuutilersinneqassanersut.
Taamatut oqaluttuarpoq Radioaviisi.
Utoqqalinersiaqalernissamut aaqqissuusseqqinnikkut utoqqalinersisalernissamut ukiut, ukiunik marlunnik sivitsorneqassapput, nammineq utoqqalinissamut ileqqaarsimanngikkaanni, siunnersuullu atuutilersinniarneqarpoq 2017-imiit.
Inuit Ataqatigiit isumaqarput piffissaq tamanna sivikippallaartoq.
Kingusinnerusukkut
– Nunami maani taamatut neqeroorutitsinnik ajorseriarnerulluinnassaaq. Pinngitsoorani taamaattariaqarami? IA-meersoq Juliane Henningsen Inatsisartut ataatsimiittarfianni aperivoq.
Politikerip IA-meersup taassuma, qanittukkut politikeritut tunuarniartup, Naalakkersuisut siunnersuutaat aamma allatigut isornartoqartippaa. Ilaatigut oqaatigaa aaqqissuusseqqinnikkut kisermaat eqqorneqassasut, aappariillu tipaatsuutissaqarnerulersillugit.
Amalanerit suliffimmiissapput
Demokraatit Atassutillu siunnersuut iluarisimaarpaat, piffissaq ungasinnerusoq isigalugu nunatsinni sulisartut, ikinneruleraluttuinnartut, tatineqarnerat annikinnerulissammat.
Utoqqalinersiaqartalernissap ukiunik marlunnik sivitsorneqarnissaanik Partii Naleraq isumaqatigiinniarnerni peqataanngilluinnarsimavoq, isumaqatigiinniarnermilu peqataajumasimanngilaq.
Partiip siulittaasua KNR-mut oqarpoq partiip isumaqatigiinniarnernut peqataajumannginnini pissutaasoq nammineq feeriarami.