Skip to main content

Utoqqaliguit taamaassaatit

Kikkut tamarmik sivisuumik inoorusupput, arlaannaalluunniilli utoqqaarusunngilaq. Utoqqalilluni soorunami nuannersorpassuaqarpoq. Ilaasa inuunerminni pilluarnarnerpaatut taasarpaat. Matumanili ilungersunartut qimerluulaariartigik!

Utoqqalinerli ataatsimik erseqqissumik iluaqutissartaqarpoq. Inuuneq sivisunerulertarpoq. Aammali erseqqissunik akornutissartaqarpoq. Ilaatigut napparsimalersinnaaneq, sanngiillineq aamma utilersinnaaneq annerulersarput.    

Timikkulli ilungersunartut annerusut naatsorsuutigisinnaasavut suuppat?

Tunngaviusunilli aallarteriarta – nukiit aamma saarngit.

Isumaginninnermut Naalakkersuisoqarfimmit qanoq inissisimasoqarneranik nalunaarusiami "Utoqqarnut tunngasuni inissiaatit pillugit killiffik"-mi oqaatigineqarpoq, sanngiilliartulersarneq 20-kkut qiteqqullugit ukioqalernerminngaanniit aallartereertartoq. Piffissap taamaalineranit nukiit saarngillu arriitsumik milliartorlutik aallartittarput. 

– Inuk 80-it missaannik ukioqaleraangami nukimmi agguaqatigiissillugu 30 procentii katassimasarpai. Angutit 20-kkut qiteqqunnerannik ukioqaleraangamik ukiumut nukimmik procentiata affaanik katataqartarput. Arnani tamanna procentip ataatsip missaanniittoq, nalunaarusiami allaqqavoq. 

Aseroriartornerli piviusumi qanoq sunniuteqartarpa?

Nukinnik saanernillu katataqarnerni pissusissamisoortumik timikkut pisinnaasat sanngiilliartortarput, tamannalu akornutaalersinnaalluni, soorlu namminerisamik ineqarnissamut.  

– Taamali sanngiilliartorneq timersornikkut nerisatigullu minnerulersinneqarsinnaammat, taamaattumik paasisitsiniaaneq aamma peqqinnartumik inooriaaseqarnissamut periarfissaqarnissaq aamma qanoq sivisutigisumik namminerisamik inigisaminiiginnarnissamut pissutaaqataasartut, qanoq inissisimasoqarneranik nalunaarusiami immikkut ilisimasallit   erseqqissaapput.

Aviisimi AG-mi atuarnerusinnaavutit. Aviisi uani pissarsiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER