Skip to main content

Utoqqaat illersuisuat suliunnaartoq

Utoqqaat Illersuisuat, Helene Heilmann, ingerlaannartumik atuutilersumik suliffimminit tunuarpoq. Isumaginninnermut naalakkersuisoqarfik uppernarsaavoq.

Obs: 6. marts. Helene Heilmannip naqqiuteqarnera aallaavigalugu utoqqaat illersuisuattut soraarniuteqarsimanerup piffissalernera aaqqinneqarpoq.

Helene Heilmann atorfimminit tunuarsimavoq. Isumaginninnermut naalakkersuisoqarfimmi pisortaq, Julie Præst Wilchep tamanna Sermitsiaq.AG-mut tamanna uppernarsarpaa.

Utoqqaat illersuisuattut qaammatini aqqanilinni atorfeqarsimavoq.

Helene Heilmann januarimi soraarniuteqarpoq, taamatullu februarip naanerani naggammik sulilluni.

Sulisoqarnermi suliaammat tunuarnermut suna tunngaviunersoq naalakkersuisoqarfiup oqaatigiumanngilaa.

Sermitsiaq.AG ippassaq allaaserinnippoq inuit innarluutillit illersuisuat atorfimminit tunuarniuteqartoq. Christina Johnsenip tunngavilersuutigaa sulianut tunngatillugu politikkikkut tapersersorneqannginnermik misigisimanini, aammalu inuit pisinnaatitaaffiinik suliaqartut ataatsimoortinneqalernissaanik Naalakkersuisut siunnersuuteqarnerat.

Helene Heilmann aamma tamassuminnga tunngavilersuuteqarnersoq pillugu Sermitsiaq.AG-p apersorusussimagaluarpaa, pissarsiarinaguli.

Helene Heilmann utoqqaat illersuisuattut Naalakkersuisut 1. april 2020 toqqarneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER