Skip to main content

Utertoorutissat: Innuttaasut 3.000-t paasissutissaminnik suli tunniussinngillat

Akileraarpallaarsimallutik utertoortussat ukioq manna amerlanerungaatsiarsimapput, tamannalu akileraartarnermut aqutsisoqarfimmut ulapititsingaatsiarpoq. Innuttaasut 3.000-t paasissutissaatiminnik suli tunniussinngillat.

Akileraarpallaarsimallutit utertoorutissaqartunut ilaaguit, taava akileraartarfimmut aningaaserivimmi kontoppit paasissutissaatai aqutsisoqarfimmut tunniuttariaqarpatit. Isumalluarnartoqarporli, aqutsisoqarfimmit Sermitsiaq.AG-mut ilisimatitsissutigineqarpoq.

Akileraartarnermut aqutsisoqarfik sapaatit akunnerni marlunni kingullerni suliaqangaatsiarsimavoq, innuttaasullu aningaaserivimmit kontomik paasissutissaatiminnik tunniussisimasunut akileraarutaavallaarsimasunik utertoortitsinissamut sulianik naammassiortuilerpoq.

Miki Jensen, aqutsisoqarfiup allaffiani pisortaq ilisimatitsivoq innuttaasut 3.000-t missaat kontop normui pillugit paasissutissanik immersukkamik suli tunniussaqarsimanngitsut. Innuttaasut kontomik normuinik tunniussitinnagit aqutsisoqarfiup utertoorutissat suliarisinnaanngilai. Pisortanullu akiitsoqarsimappata sinneruttut innuttaasumut tigusisussamut tunniussinnaanagit.

- Aqutsisoqarfiup sapaatit akunneri marluk ingerlaneranni immersukkat 8.000-it suliarai. Innuttaasunit kontonut tunngatillugit paasissutissat ingerlaavartumik tigusaqatsigit, maanna naatsorsorparput innuttaasut 3.000-t paasissutissaatiminnik suli tunniussisimanngitsut, Miki Jensen ilisimatitsivoq.

Sulisut amerlineqartut

Akileraarpallaarsimallutik utertooruteqartussat ukioq manna amerlangaatsiarsimapput. Akileraartarnermut aqutsisoqarfiup augustimi ilisimatitsissutigaa innuttaasut 31.541-t utertoorutissaqartut, akiitsoqarunilli ilaanngaatsinneqassasut.

Utertoorfissarli nallermat innuttaasut 13.000-t kontoisa paasissutissaataa akileraartarnermut aqutsisoqarfiup pissarsiarissallugit suli amigaatigisimavai, tamannalu sulissutigineqangaatsiarpoq.

- Bankimi kontot paasissutissat pissarsiarinerinit akileraartarnermut aqutsisoqarfik sulianik suliaqarnermut sulisorpassuit atorsimavai. Utertoorutimmi piaarnerpaammik innuttaasunut utertinneqassapput, Miki Jensen ilisimatitsivoq.

Akiligassat kontomiluunniit aningaasat

- Utertoorutissat kontonut ikisassat kingulliit sapaatip akunnerani matumani nakkartinneqarnissaat sulissutigaarput. GrønlandsBankenimi kontoqaruit ingerlaannaq nakkartinneqassapput, allamili kontoqaruit ullormik ataatsimik utaqqinerusinnaavutit, allaffimmi pisortaq ilisimatitsivoq.

Innuttaasut paasissutissaatiminnik suli tunniussisimanngitsut immersueqqullugit aqutsisoqarfik kaammattuivoq. Immersuivissaq UANI nassaarisinnaavat.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER