Usisaat millionerpassuarnik aningaasaliiffigineqartoq
Usisaat ilaqutariit nutserinermi assartuinermilu suliffeqarfiutaat Vækstforndenimit aamma Greenland Venturemit 20 millioner koruuninik aningaasaliiffigineqarsimavoq, suliffeqarfiup Nuuk Imiup eqqaani 5000 kvadratmeterit sinnerlugit angitigisumik sanaartorluni allilerneqarnissaanut atugassanik
Vækstfonden aamma Greenland Venture piffissap sivikitsup ingerlanerani pingajussaanik aningaasaliissutini tassunga inissippai. Siusinnerusukkut aatsitassarsiornissanut marlunnut millionilikkaanik aningaasaliissuteqarsimapput.
Usisaat qeqertaasami suliffissuit inissisimaffissaanni nutaami, atlantikoortaatinut umiarsualiviup nutaap inissisimaffigisaaniittumi sulisuminik 100-ngajaasunik ataatsimoortitsinissamik pilersaaruteqarpoq.
Usisaammik ilaqutariit piginnittuusut tassaapput Arnannguaq Gerstrøm, Hans Gerstrøm, Akisooq Poulsen aamma Minik Gerstrøm. Pilersaarutaavoq quersuarmik allaffimmillu sanaartorneq ukioq ataaseq qaangiuppat naammassineqarsimassasoq.
Suliffeqarfiup oqaluttuassartaa
Usisaat nittartakkamini imatut imminut allaaserivoq:
- Suliffeqarfik Usisaat ApS oqaluttuarsartaa 1973-imili aallartippoq. Suliffeqarfik katisimasut Akisooq Poulsenip amma Hans Gerstrømip pilersissimavaat. Ullumikkut meerai Minik Gerstrøm aamma Arnannguaq Gerstrøm aqutsisuupput. Usisaat Nuummiippoq suliffeqarfillu 1991-imili Nuummi aallaffeqalersimalluni.
- Qatanngutigiit Minik Gerstrømip aamma Arnannguaq Gerstrømip ulluinnarni Usisaat aquttarpaat, pilersitsisullu marluk aqutsinikkut suli suleqataasarlutik. Minik biilini sullivinni akisussaasuuvoq, Arnannguullu Nutserneq – Sullissinerlu akisussaaffigalugit.
Suliffeqarfiup suliarisartagai assigiinngitsuupput, soorlu pequtinik assartuisarneq, umiarsuakkut nassiussisarneq, biilinik suliarinnittarneq nioqqutissanullu toqqorsiveqarneq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...