USA: Nunatsinnut immikkut 65 mio. koruuninik aningaasaliisoq
Ameirkami kongres nunarput suleqatigalugu suliniutinut atugassanik 10,4 millioner dollarsinik, tassa 65 millioner koruuninik aningaasaliivoq, taakkulu USA-p nunatsinnut suleqateqarneranut nukittunerulersitsissapput.
KNR-p Amerikamiut konsuliannik nutaamik Joanie Simonimik, Nuummi Amerikamiut konsuleqarfianni qaammatip ataatsip matumani siornatigut sulilersumik apersuinermut atatillugu suliniutinut aningaasaliissutit taakku nutaarsiassatut saqqummiiuppai.
- 10,4 millioner dollarsinik aningaassaliiffigineqarnissamik akuerineqaqqammerpugut, suliniutinut pilersaarutinullu aningaassaliissutit atornissaanut qilanaarpugut, aningaasallu sumut atorneqarsinnaaneranut kalaallinik isumasiuinissarput qilanaaraarput, Joanie Simon KNR-imut oqarpoq.
Naalakkersuisoqarfiit arlallit
KNR-p ilanngutassiaani atuarneqarsinnaavoq, Amerikami naalakkersuisoqarfiit arlallit Kalaallit Nunaannut aningaasaliinermut aalajangersimasunut atugassatut tapeeqataasimasut.
USA-p apriilip qaammataani aningaasaliissutai 12,1 millioner dollarsiusut ilaatigut Amerikami universitetit marluk Sisimiunilu Aatsitassarsiornermik Ilinniarfiup suleqatigiillutik suliniutssaanut atorneqartussatut aalajangiunneqarsimapput.