Skip to main content

USA: Kalaallit qanoq isumaqarfigivaatigut?

Amerikamiut Københavnimi aallartitaqarfiata kalaallit USA-mut tunngatillugu qanoq isumaqarnersut paasiniarlugu misissuisitsinissaq piumasarisimavaa

Nunani tamalaani isumasiuisartoq Epinion, nunani assigiinngitsorpassuarni immikkoortortqarfeqartoq, piffissami matumani misissuileruttorpoq, tassani kalaallit sianerfigineqarlutik USA-mut tunngatillugu apeqqutinut assigiinngitsunut isummeqquneqartarput.

Epinionip apeqquterpassuit Sermitsiaq.AG-mut tunniukkusussimanngilai, innersuussutigisimallugulu apersorneqartut tassaasut apeqqutinik taakkunannga tusagassiorfinnut ingerlatsitseqqittoqassanersoq aalajangiisussat.

Epinionip Amerikamiut Københavnimi aallartitaqarfiata misissuisoqarnissaa piumasarisimaneraa eqqortuunersoq eqqortuunnginnersorluuniit oqaatigerusunngilaa

Tupinnartuliaanngitsoq

Tusarfiup Epinionimi sulisup sianerfigisimasaata ilisimatitsissutigaa, tusarsimallugu Amerikamiut Københavnimi aallartitaqarfia matumani pineqartoq.

Aallartitaqarfimmit misissuiniarneq tupinnartuliatut isigineqanngilaq, pisumulli tunngatillugu Sermitsiaq.AG-mut oqaaseqarusunngillat.

USA-p Kalaallit Nunaannut soqutiginninnera tamanit ilisimaneqalerpoq, Amerikamiut præsidentiata Kalaallit Nunaannik pisiaqarusulluni aasaq oqaatigimmagu. Tamatuma kingorna Amerikamiut Kalaallit Nunaanni inuiaqatigiinnut iluareqqusaalernerat takuneqarsinnaavoq.

Attaveqaqatigiinnerunissaq

Amerikamit aallartitarpassuit suleqatigiissutaasinnaasut assigiinngitsut, Danmark avaqqullugu USA-p Kalaallillu Nunaata attaveqaqatigiinnerulerfigisinnaasaat misissorniarlugit Kalaallit Nunaanniissimapput.

Pingaartumik Ruslandip Issittumi sakkutooqarnerminik annertusaanera tunngaviuvoq Amerikamiut Kalaallit Nunaannut Issittumilu isumannaallisaanissamut soqutiginnilernerannut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER