Thule Air Base
USA Pituffimmi kisermaassisoq
Exelis Services maannakkut pisortatigoortumik Vectrus Servicesimik taaguuteqartoq, Pituffillu maannakkut USA-mit suliffeqarfimmit kiffartuunneqartoq piviusuusoq ersarilluinnarpoq, Folketingimi ilaasortaq Christian Juhl oqarpoq
Pappialaannakkut suliffeqarfik Exelis Services atorunnaarsimavoq.
Tamanna Danmarkimi ingerlatseqatigiiffiit nalunaarsuiffiani CVR registerimi allassimavoq. Ingerlatseqatigiiffik maanna Vectrus Servicesimik taaguuteqarpoq. Allamik taaguuteqalerpoq oktobarip aallaqqaataani Pituffimmi kiffartuussinissamik isumaqatigiissutip tunniunneqarnera sioqqullugu, Greenland Contractorsip erfalasua Vectrusip erfalasuanik taarserneqarluni.
Sermitsiaq allappoq.
Nalunaarsuiffimmi allassimavoq Vectrus Servicesimi inatsisitigut piginnittut tassaasut Colorado Springsimi Vectrus System Corporation.
– Oqartoqarsinnaavoq isumaqatigiissut atorlugu ingerlarsussasugut siunissami ilisimatusarfinnik, atuarfinnik peqqissaavinnilluunniit isumaqatigiissusiorluta. Sulisussarsiulereerpugut Københanvimilu allaffiliorluta. USAmili susoqarnersoq utaqqimaarallassavarput aallartitsinnata, 2016imi septembarimi Kim Ruberg Sermitsiamut oqarpoq.
Ullumikkut Kim Ruberg Exelisimi Vectrusimiluunniit attaveqarnermut ilaajunnaarsimavoq. Taarsiullugu attaveqarnermut pisortaq Coloradomi Space Center Drivemi issiasoq Polli Ogilvie innersuussutigineqartarpoq.
Allaaserisaq tamakkerlugu sapaatip-akunnerani Sermitsiaq aviisimi saqqummertumi atuarsinnaavat. Aviisi uani pisiariuk: