USA-p sakkutuui imarsiortut Issittumi sorsunnissamut piareeqqasut
Second fleet 2018-imi atuutsinneqaqqilersoq maanna suliaqarnissamut piareeqqavoq. Suliassarai Atlantikup avannaani Issittumilu nakkutilliinissaq
USA-mi second fleet maanna suliaqarnissamut piareerpoq. Stripes.com allappoq.
Second fleet Atlantikup avannaani Issittumilu imaatigut silaannakkullu angallannermik nakkutilliinissamut maanna akisussaaffeqalerpoq.
Sakkutuut imarsiortut taakku 1950-imiit 2011-mut taamaallaat atuutsinneqartussaasimagaluarput.
Ruslandip Issittumi suliaqaleraluttuinnarnera illuatungilerniarlugu 2018-imi atuutsinneqaqqilerput.
- Issittup imartaata angallaffiusinnaaleriartornera ilutigalugu Issittoq unammiffiulertussaavoq, second fleetillu taamatut ineriartortoqarnera sakkutuulersuinerlu eqqarsaatigalugit pisussaaffigissavaa, naalagaaffitta Issittumiinnerata qulakkeernissaa pisariaqassappallu sorsunnissaq, fleetimi pisortaq, viceadmiral Andrew Lewis stripes.com naapertorlugu oqarsimanerangaavoq.