USA-p aallartitaa: Suleqatigiitta suleqatigiinnerlu nukittorsarlugu

Amerikamiut Qallunaat Nunaanni aallartitaata Carla Sandsip Nuummi Future Greenlandimi ataatsimeersuarnermi Kalaallit Nunaat suleqatigiinnermik annertusaallunilu nukittorsaanissaa kaammatuutigaa

- Nunassi ineriartornerani peqataallutalu suleqataarusuppugut, Carla Sands Future Greenlandimi ataatsimeersuarnermi oqarpoq.

Taassuma kalaallit USA-sulli nutaaliortutut oqaatigai. Kalaallillu Nunaata siunissaq ornitaa USA-p pingaaruteqarluni suleqataaffigerusuppaa.

- Oqaluttuarisaanermik annertuumik peqarpugut, aallartitaq erseqqissaavoq.

- Sermip aakkiartornera ilutigalugu nutaanik angallasseriaatsinik ammaassillunilu nutaanik aarlerinartunik pilersitsissaaq, Carla Sands oqarpoq.

Pompeop taamaatitsineranik utoqqatsertoq

Taassuma ajusaarutigaa, amerikamiut nunanut allanut ministeriat Mike Pomper Nuummukarnissaraluaminik taamaatitsisimanera, ‘kingusinnerusukkulli tikikkumaarpoq’, taanna erseqqissaavoq.

Taassuma tikkuarpaa, USA Kangerlussuup mittarfianiititaqarnerani ukiumut 10 millioner koruunit sinnerlugit Kalaallit Nunaata iluanaarutigisaraa.

- Pingaaruteqarpoq isumassarsianik avitseqatigiillunilu ineriartortitsisoqartarnissaa. USA aamma Kalaallit Nunaat suleqatigiillutik nukittunerupput, Carla Sands erseqqissaavoq.

Powered by Labrador CMS