Skip to main content

USA-mut aqqut nutaaq Royal Greenlandip periarfissatsialattut isigaa

Assartukkalli akii apeqqutaallutik paasinarsissaaq USA nioqqutinik avammut assartuiffissatut piukkunnarnersoq.

RAL-ip USA-mut aqqutaa nutaaq periarfissanik pilersitsivoq – apeqqutaavorli qanorpiaq kinguneqassanersoq.

Aviisi Sermitsiaq taama allaaserisaqarpoq.

Royal Arctic Line sapaatip akunnerani matumani avammut nalunaaruteqarpoq USA-mut aqqummik nutaamik aappaagu februaarimi ammaassallutik.

RAL-ip umiarsuai nammineerlutik USA-mut assartuisassanngillat, Eimskipilli ingerlataata aqqutigeriigaat atorneqassalluni.

Akigititassallu ajunngippata, raajat qalerallillu assartornissaannut RAL piareersimavoq.

- RAL-ip periaaseriniagaani periarfissat pitsaasut takusinnaavavut, tamatumani assartugassat siullermik Reykjavikimut nassiunneqariarlutik tassanngaanniit nunarsuup sinneranut, soorlu USA-mut Eimskipimit ingerlateqqinneqartassallutik. Ukiut marluk matuma siornagulli saqqummiunneqaqqaarmalli taamaalisoqarsinnaanera oqaatigaarput. Periarfissatsinni nutaami soorunami apeqqutaassaaq soorlu ullutsinni akigitinneqartunit Avannaanit Amerikamut Avannarlermut nassiussineq akikinnerulissanersoq imaluunniit akisunerulissanersoq. Piffissamimi matumani tamanna erseqqissumik takusinnaannginnatsigu, Royal Greenlandip pisortaa, Mikael Tinghuus aviisimut Sermitsiamut oqarpoq.

Imaatigut aqqut nutaaq atorlugu RAL Islandimut, Savalimmiunut, Damnarkimut, Norgemut, Sverigemut kingusinnerusukkullu Polenimut tikissinnaalissaaq. Talittarfissuarnit taakkunanngaanniit nunarsuup sinneranut imaatigut toqqaannartumik assartuisoqarsinnaavoq. Attaviillu taakku USA-mut sapaatit akunneri tamaasa assartuilluni niuersinnaanermut, aammali Asiamut sumiiffinnullu allanut sapaatit akunneri tamaasa assartuilluni niuersinnaanermut RAL-imut periarfissiipput.

Aviisimi Sermitsiami atuarnerusinnaavutit. Aviisi uani ataani pissarsiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER