Uran

Uranip innuttaasunut taasissutigitinnissaata taamaatiinnarneqarnera oqaaseqarfigiumanngikkaat

Aatsitassarsioqatigiiffiup uranimik qalluilernissamut inaarutaasumik qinnuteqaatissaminik piareersaallunitamaviaaleruttornerani innuttaasunik taasisitsinissap taamaatiinnarneqarneranik kamaatiginninneq Namminersorlutik Oqartussani politikkikkut oqaaseqarfigiumaneqanngilaq

Peqatigiiffiit qulingiluat Nunatsinniittut nunanilu allaniittut Naalakkersuisut neriorsuutiminnik tunutsinerarlugit juullilernerani isornartorsiorneqarput. Isornartorsiuinerli oqaaseqarfigineqanngilaq

Kalaallit Nunaat nunanut uranimik tunisassiortunut ilaalissava?

Apeqqut tamanna Kuannersuarni uranimik qalluisoqalernissaanik suliniummut pilersaarutaasumut akerleriissutaasumullu atatillugu nuna tamakkerlugu minnerpaatulluunniit nunap immikkoortuani taasisitsinikkut peqatigiiffinnit suliniaqatigiiffinnillu innuttaasunit qanoq isummerfigineqassanersoq tusassallugu qilanaarineqarsimagaluarpoq.

Atuaruk: KNR illuinnaasiortumik sunniiniartutut Siumumit pisuutinneqarpoq

Taasinissaq taamaatinneqartoq
Maannali innuttaasunik taasisitsinissamik isuma ullumikkut naalakkersuisoqatigiinnit taamaatiinnarneqarsimasutut isikkoqalerpoq, tamannalu naalakkersuisuusimasut innuttaasunut arlaleriarlutik neriorsuisarsimagaluarnerannut naapertuutinngilluinnarpoq.

Taamaattoqarnera tunngavigalugu Kalaallit Nunaanni nunallu tamalaat akornanni suliniaqatigiiffiit qulingiluat ataatsimoorussamik tusagassiuutitigut nalunaarut aqqutigalugu Naalakkersuisut neriorsuutiminnik unioqqutitsisutut suaarutigaat.

Pasilliutilli sakkortuut Namminersorlutik Oqartussat napasuliarsuanni tusaaneqarluarsimagunanngitsut arlaatigut ilimanarsisinneqarpoq:

– Tusagassiuutitigut nalunaarutitsinnut politikkikkut sunnguamilluunniit qisuariartoqanngilaq. Akerliliilluniluunniit tunngavilersuummik naamerluinnaq, isornartorsiuinissamut suliniuteqartut ilaat, avatangiisinik illersuiniaqatigiiffiup Avatap, siulittaasua, Mikkel Myrup, oqarpoq.

Atuaruk: Uranimik isumaqatigiissut saqqummiunneqarpoq - Uani atuaruk

Tamanut Kujataani kingulliugallartumi allaaserisaq tamaat atuaruk. Tamanut Kujataani uani akeqanngitsumik aasinnaavat:

Powered by Labrador CMS