Skip to main content

Uranimut akerliulluni atsiornerit tunniunneqassapput

Soqutigisaqaqatigiifiup uranino.org-ip pingasunngorpat ualikkut atsiornerit 1.000-t sinnillit Inatsisartut siulittaasuannut tunniutissavai

Soqutigisaqaqatigiifiup partiimi politikkersornermut aningaasatigullu attuumassuteqanngitsup uraninfo.org-ip pingasunngormat ullaakkut atsiornerit 1.100 missarpiaanniittut katersorsimavai, tamatumuuna anguniarlugu urani pillugu aammalu taassuma piiarnerata kinguneqaataanik innuttaasut annertunerusumik paasissutissinneqarnissaat kiisalu uranimut atortussiassanullu allanut radiop qinngorneranik ulorianartunik akulinnut akuersaanngilluinnarnerup atorunnaarsinneqarnissaa innuttaasunit taasissutigitinneqarnissaa.
– Atsiornerit ullumi pingasunngornermi nalunaaqutaq 15.30 Inatsisartunut tunniutissavagut, ilanngullugulu tunniutissavarput Narsami Kuannersuit eqqaanni kuummit Napasup kuuanit imeq. Imeq timmisartumik marlunngormat unnukkut Nuummut tikiunneqarpoq allakkisartumit, uraninfo.org-imeersoq Naja Carina Steenholdt oqaluttuarpoq.
Atuaruk: "Urani tapersersorlugu ikumatitalisarluni ingerlaaqatigiinneq"
Atuaruk: "Uranimut akerliulluni atsiornernik katersuineq"
Ullumi pisussami imeq puiaasamiittoq Mike Thomsenip nalunaaqutaq 15.00 Nuup Mittarfianiit Inatsisartut ataatsimittarfiannut arpaliutissavaa, tassanilu Inatsisartut siulittaasuannut Lars-Emil Johansenimut Inatsisartunullu ilaasortanut arlalinnut tunniunneqassaaq.
Naalakkersuisut siulittaasuat Aleqa Hammond uraninfo.org-imut allakkatigut nalunaarsimavoq pisussami tamatumani peqataajumanani.
– Imeq aalajangiisartutsinnut eqqaasitrsissaaq nunarput sinnerlugu eqqarsaatigilluakkamik aalajangiissasut. Tunniussinissaq sioqqullugu uraninfo.org-imit oqalugiartoqassaaq, Naja Carina Steenholdt oqaluttuarpoq.
Urarnimik piiaanissaq akerleraajuk? Uani atsiorsinnaavutit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER