Skip to main content

Uranimik piiffiiaaffiup tusarniaassutigineqarnera aallartippoq

Uranimik piiaaffik qaammatit pingasut qaangiuppata aallartinneqarsinnaasoq Ilisimatusartoq Naja Carina Steenholdt oqarpoq

- Tusaamavara uranimik piiaaffiup Kuannersuarniittup ammarneqarnissaanut tusarniaaneq tallimanngormat aallartinneqartoq, Naja Carina Steenholdt Sermitsiaq.AG-mut atuartartut isummersortarfiannut allappoq. 

- Tusarniaaneq ulluni 35-ni sivisussuseqassaaq, tusarniaanerlu sapaatit akunnerini arfineq pingasuni sivisussuseqartussaq tassa aallartissalluni. Taamaattumillu piiaaffik qaammatit pingasut qaangiuppata ammarneqaratarsinnaavoq isumaqatigiissuteqartoqarpat, Naja carina Steenholdt allappoq. 

- Naalakkersuisut innuttaasunut ilisimatitseqqaarnani tusarniaaneq aallartippaat. Uranimut naaggaarluinnarnerup atorunnaartinneqarnerani Naalakkersuisut suaarutigaat innuttaasunik ilisimatitsisoqaqqaassasoq, innuttaasunilli tusarniaanerit suli ingerlanneqanngitsut aallartinneqarpoq. Sullissineq taamatut ingerlanneqassava?, aperaaq. 

- Naalakkersuinikkut ingerlatsisut Aleqa Hammond aamma Jens-Erik Kirkegaard pipallatamik sulerpasipput. Taamatut aqutsisoqartillugu kikkut pilliutigineqarpat? Uaguuvugut innuttaasut, aamma pinngortitarput avatangiiserpullu. Aamma kinguaagut eqqorneqassapput. Aalajangerneq taama Inatsisartuni amerlanerussuteqaqqalaartut aalajangigaat eqquinerlorujussuarsinnaavoq, Naja Carina Steenholdt allappoq. 

- Narsarmiut neriuutigaat illoqarfimmi ineriartortoqalissasoq. Kisianni innuttaasut ilisimanngilaat piiaaffimmik taama illoqarfimmut qanitsigisumi najugaqartoqarsinnaanavianngitsoq. Narsarmiut ilisimatinneqanngillat suut akornutaasinnaanersut. 

- Naalakkersuisutta inuiaqatigiit isumaat qarsutiinnarlugit sullisserusuttuupput, taamaattumillu innuttaasut kinguneri uumassutigiinnartariaqassavaat. Ilami innuttaasut amerlanerpaartaasa ilisimanngilaat piiaaffimmik ammaanermi suut kinguneqartinneqassanersut. 

- Aalajangiineq pingaaruteqartorujussuuvoq, inuillu ikitsuinnaat aalajangiisuupput. Aleqa Jens-Eriullu innuttaasut isumaat tusaasariaqaraluarpaat. Angerlarsimaffippummi ataatsimut aalajangiiffeqatigiissumik ingerlanneqartariaqaraluarpoq, Naja Carina Steenholdt allappoq. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER