Skip to main content

Urani: IA Atassullu ammasumik siunersiuisoqarnissaanik piumasaqartut

Naalakkersuisut nunarsuarmi uranimik tunisassiortut annerpaartaasa ilaannut Kalaallit Nunaanni uraneqarneranik misissuinissamut akuersissuteqarsimanerannik nutaarsiassaq ilaatigut Aatsitassanut Ataatsimiititaliamut ilaasortat marluk qisuariarnerannik Aatsitassanullu Naalakkersuisup Jens-Frederik Nielsenip ammasumik siunersiorneqarnissaanik piumasaqarnerannik maanna kinguneqarpoq.

Sofia Geislerip (IA) aamma Aqqalu C. Jerimiassenip (Atassut) Aatsitassanut Ataatsimiititaliap siulittaasua, Siumumeersoq, Henrik Fleischer, qinnuigisimavaat Jens-Frederik Nielsenip ammasumik siunersiorneqarnissamut piaartumik aggersaqqullugu.

Taakkua marluullutik isumaqarput, Jens-Frederik Nielsenip ataatsimiititaliami politikerit aatsitassarsiornermik suliani arlalinni sukumiisumik ilisimatitsissuteqarfigisimanngikkai. Taamatuttaaq aamma Kuannersuarni suliniut maannakkorpiaq eqqartorneqaqisoq pillugu, tamatumanimi ullut arlaqanngitsut qaangiuppata Kujataani innuttaasunik ataatsimiititsinerit ingerlanneqassapput.

Ilisimatitsilluni ataatsimiinneq ataaseq, ullunut marlunni ingerlanneqartoq, eqqaassanngikkaanni Inuussutissarsiornermut Aatsitassanullu Naalakkersuisoq ataatsimiititaliamut susassaqartumut sukumiisumik suli ilisimatitsinngilaq. 

Taamaalilluni ataatsimiititaliaq suliassaminik tamakkiisumik isumaginninnissaminut periarfissinneqarsimanngilaq. Tassalu ataatsimiititaliap suliassaqarfimmi iluani ingerlatsinermik malinnaanissamut pisussaanini aammalu Naalakkersuisut inatsisitigut killissarititaasut iluanni ingerlatsinikkulluunniit ileqqorissaarnermut tunngatillugu killigititat iluanni ingerlatsinissaat nakkutigissallugu periarfissaqarsinneqarsimanngilaq, politikerit taakkua marluk ammasumik siunersiuisoqarnissaanik piumasaqarnerminni tunngavilersuuteqarput.

Akuutitsineq

Taakkua erseqqissaatigaat ”ataatsimiititaliap suliassaminik isumaginninnissani pisussaaffigaa, aammali Naalakkersuisut qulakkiigassarigaat ataatsimiititaliat tunuliaqutaasut akuutinneqarnissaat sulianullu ataasiakkaanut tunngasunik ilisimatinneqartuarnissaat”.

- Tamannalu qaammaterpassuanngortuni maannamut pisimanngilaq, Henrik Fleischerimut saaffiginnissummi oqaatigineqarpoq.

Taakkua soorunami neriuutigaat, ataatsimiititaliap siulittaasuata kissaatertik malissagaa ”Kujataanilu innuttaasunik ataatsimiisitsinissaq sioqqullugu”, erseqqissaatigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER