Skip to main content

Urani pillugu saqitsaateqqissapput

Piffissami nutaajunerusumi politikkikkut assortuussutigineqarnerpaaq Inatsisartuni oqallisigineqaqqissaaq. Suliassaq tamanna naalakkersuisoqatigiinnik ajalusoortitseratarsinnaavoq.

IA-p piumasaraa uranimik piiaanissaq pillugu innuttaasut taasitinneqassasut.

Aviisi AG taama allaaserisaqarpoq.

Siunnersuut Inatsisartut ukiakkut ataatsimiinneranni oqaluuserineqassaaq. Partiip Inatsisartuni gruppiata siulittaasua, aatsitassanullu naalakkersuisuusimasoq, Múte B. Egede, naapertorlugu IA-p takusinnaalersimavaa Inatsisartuni amerlanerusut siunnersuut ammaffiginerulersimagaat, siunnersuutip akuerineqarneranik kinguneqarsinnaasumik. Inunnik taasisitsinissap isumaqatigiinngissutigineqarnera maanna naalakkersuisoqatigiit isumaqatigiinngissutaasa ilagisimavaat:

– Politikerit qanoq isumaqarnersut qimerluualaarutsigu takusinnaavarput siunnersuut amerlanerusunit taperserneqarsinnaasoq, Múte B. Egede, AG-p oqaloqatigimmagu Savalimmiunut angalasoq, oqarpoq.

Innuttaasunik taasititsineq

– Aleqa Hammond, Nunatta Qitornaaneersoq, siusinnerusukkut oqarsimavoq innuttaasunik taasisitsinissaq tapersersorini. Aamma Steen Lyngep tamanna kissaatigisimavaa. Imaassinnaavorlu Partii Naleqqamut ilaasortat isumaqataasinnaasut. Inatsisartuni taamatut inissisimalerneq pissanganarpoq, sunillu tamanik mumisitsisinnaalluni, Múte B. Egede itisiliivoq.

IA-lli naatsorsuutigissanngilaa Steen Lyngemit (Demokraatineersoq) taperserneqarnissani. Taassuma Atassummut ilaasortaagallarami partiini akerleralugu innuttaasut taasitinneqarnissaat tapersersorsimagaluarpaa. 

Sammisaq naalakkersuinikkut mianernartoq pillugu aviisimi AG-mi paasisaqarfigiuk, taanna uani ataani isissutissarsiffigisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER