Sermitsiaq i denne uge
Urani pillugu oqallinneq annertooq
Kinguneqaatissat ilisimanagit urani pillugu aalajangiineq Siumup nammineq paasissutissiinermut innuttaasullu akulerutsinnissaannik isumaanut akerliulluinnarpoq
Sermitsiami sapaatip akunnerani saqqummersumi soorunami urani oqallisigineqartorujussuuvoq, pissutigalugu akuersaannginnermut apeqqut marlunngorpat Inatsisartuni oqaluuserineqassammat.
Suliassaq nunami kikkunnut tamanut pingaarutilerujussuaq.
Partiit angisuut marluk Siumup aamma Inuit Ataqatigiit apeqqut isumaqatigiinngissutigaat, partiit mikinerusut marluk assigalugit.
Kuannersuarni uranimik piiaanissamut Narsarmiut qanoq oqarnerat atuaruk aamma atuaruk Canadami uranimik assartuinermi ajornartorsiutit.
Sermitsiarli aamma allanik pissanganartorpassuarnik imaqarpoq.
Qulequttat makkuupput
Ingerlatsiviup mamianartuliortup Hardenberg marloriaammik aningaasarsiorfigaa
Piukkussaq ataasiinnaq Siulittaasup Naalakkersuisoqarfianut inassutigineqarpoq
Akileraartartut aningaasaaterpassui ingerlatsivimmut mamianartuliortumut tunniunneqarput
Aleqa Hammond allaffimmini torersuutitsiniarpoq, nalilerneqarusupporlu politikkimigut, inunnut tunngasutiguunngitsoq. Politikkimik tunngavilimmik atorfinitsitsisannginnerarpoq erseqqissarlugulu sulisut partiimut sumut attuumassuteqarnerannut akuleruttarani.
Michael Binzerip politikerit innuttaasullu tusaaniarpai, sapinngisamillu nunap annersaani internettimik attaveqalernissaq sulissutigalugu. Oqarporli tamanna 450 millioner koruuninik akeqassasoq.
Hermann Berthelsenip Nuummi umiarsualiviliornissamut akerliuvoq, isumaqarllunilu tamatuma kingunerissagaa nunap sinneranut assartuineq akisunerulerlunilu kigaannerulissasoq. Tassa Naalakkersuisut neriorsuutigisaata akerlerluinnaanik, Naalakkersuisut neriorsuisimammata nunami tamarmi assartuineq akikinnerulerlunilu sukkanerulissasoq. Tamanna pillugu aviisi apersuivoq atuartartullu ilanngussaanik ilaqarluni.
Hotel Arcticimi kaaviiaartitat amerlipput, ukiuunerani takornariat qimussertarusuttut pissutigalugit.
Illoqarfinni mikinerusuni illoqarfimmut ataatsimiititalianut ilaasortassanik kommunalbestyrelsit toqqaassapput. Tamanna pivoq tamat qanimut oqartussaaqataanerat siuarsarniarlugu.
Angallannermi periarfissanik pitsaanerusunik pilersitsiniarnermut takornariaqarnermik inuussutissarsiut atorsiuk, Destination East Greenland inassuteqarpoq.
Ilimanami nutarterinermik suliniut. Real Dania aallartikkusuppoq.
Danmarks Tekniske Universitetip ataani Center for Arktisk Teknologi-mi Carl Egede Bøggild professorinngorpoq.
Sermitsiaq nutaaq pisiariuk uani: