Urani Naamik: Matoqqatitsinerup nalaani innuttaasunik ataatsimiititsinerit inuinnaat naalakkersueqataanerannut naleqqutinngillat
Innuttaasunik ataatsimiititsinissat ullunik 14-inik siuartinneqarput, tamatumunngali allannguutaanngilaq nunap iserfigineqarnissaanut suli inerteqquteqarneq pissutigalugu immikkut ilisimasallit nunanit allaneersut aamma suliniaqatigiiffinnit naalakkersuisunut attuumassuteqanngitsuneersut ataatsimiititsinerni peqataasinnaassanngimmata. Matoqqatitsinerup nalaani tusarniaasoqarnera inuinnaat naalakkersueqataanerannut naleqqutinngitsoq, Urani Naamik-mut ilaasortaq oqarpoq
Kuannersuarni pilersaarutit pillugit innuttaasunik ataatsimiititsinissat ullunik 14-inik siuartinneqarlutik 2021-mi februaarip tallimaannit qulingiluaannut pisussanngorput. Aatsitassanut Naalakkersuisoqarfik tusagassiuutinut nalunaaruteqarluni taama ilisimatitsivoq.
Ataatsimiititsinissalli siuartinneqarnerisa allanngortinngilaat, nunamut isernissamut inerteqquteqarnerup kinguneranik immikkut ilisimasallit soqutigisaqaqatigiillu nunanit allaneersut innuttaasunik ataatsimiititsinerni suli peqataasinnaassanngimmata.
Suli pilersaarutigineqartutut Naalakkersuisunut ilaasortat pingasut; siulittaasoq Kim Kielsen (S), Inuussutissarsiornermut aatsitassanullu naalakkersuisoq Jens-Frederik Nielsen (D) aamma suliffeqarnermut, ilisimatusarnermut avatangiisinullu naalakkersuisoq Jess Svane (S) ataatsimiititsinerni peqataassapput, kisiannili soorlu Nunatta Nakorsaanera qarasaasiakkut peqataassalluni. Naalakkersuisoqarfimmi pisortaq Jørgen Hammeken-Holm Sermitsiamut oqarpoq.
Narsami pakatsinerit
IA sinnerlugu Inatsisartunut ilaasortap aamma avatangiisinut illersuiniaqatigiiffimmut Urani Naamik-mut ilaasortap Mariane Paviasenip oqaatigaa, Narsami innuttaasunik ataatsimiititsisoqareersoq, Kuannersuit pillugit tusarniaaneq oqallisigineqarluni.
– Ataatsimiititsinermi amerlasuut takkupput, aamma pilersaarutinut ernummateqartoqaqalunilu apeqqutinut akissutissaqartoqarani kiisalu Naalakkersuisut pilersaarutaanut tuaviuussamut ernumasorpassuaqarpoq, Mariane Paviasen oqarpoq taanna aamma peqatigiiffinnik assigiinngitsunik innuttaasunillu ataatsimiititsisarlunilu qarasaasiakkut ataatsimeeqateqartarpoq, suliassamut pineqartumut sapinngisamik amerlanerpaat peqataatinneqarnissaat siunnerfigineqarluni.
Aviisimi Sermitsiami allaaserisaq tamakkerlugu atuarsinnaavat:
