uran pillugu oqallinneq
Uran pillugu oqallinnissaq IAp kinguartequaa
IA-kkut isornartorsiorpaat uranimut naaggaarluinnarnerup inatsisartuni oqaluuserinissaanut aqaguttoq uran pillugu nalunaartutip inatsisartunut agguaanneqarsimannginera
Uranimut naaggaarluinnarnerup atorunnaarnissaa inatsisartut marlunngornermi oqaluuserissavaat. uranili pillugu qallunaat kalaallillu suleqatigiissitaata suliaa ataasinngornermi ullaakkut inatsisartuni ilaasortanut tamanut agguaanneqarsimanngimmat IAp isornartorsiorpaa oqallinnissarlu kinguartequllugu.
Inuit Ataqatigiit isumaqarput oqallinnissamut ulloq ataasiinnaanngortoq nalunaarutip 100-nik quppernillip atuarnissaanut piffissaq sivikippallaartoq.
Nalunaarut tallimanngornermi inatsisartut nunanut allanut sillimaniarnermullu ataatsimiititaliamilu ilaasortanut agguaanneqarpoq, ataasinngornermilu ullaakkut IA-kkut maluginiarpaat inatsisartuni ilaasortanut allanut suli agguaanneqarsimanngitsoq.
- Inuit Ataqatigiinni isumaqarpugut nalunaarusiaq taama qitiulluinnartigisoq Folketingimut Inatsisartunullu ataatsikkut agguaanneqanngimmat tamanna akuersaarneqarsinnaan-ngitsoq, aammalu Inatsisartuni ilaasortat tamarmiusut nalunaarusiamik peqqissaarussil-lutik atuarnissaannut periarfisseqqaarnagit nul-tolerancip atorunnaarsinneqarnissaa siullermeerneqassammat tamanna akuersaarneqarsinnaanngitsoq, inatsisartuni ilaasortaq Agathe Fontain nalunaarpoq.