uran pillugu oqallinneq
Uran pillugu oqallinneq kinguartippaat
Uranimut naaggaarluinnarnerup atorunnaarsinnissaa pillugu inatsisartut marlunngornermi oqallinnissaraluat kinguartinneqarpoq
Inatsisartuni ilaasortat ullunik marlunnik piffissaleqqinneqarput uran pillugu nalunaarusiap atuarnissaanut. Tassami uranimut naaggaarluinnarnerup atorunnaarnissaa pillugu oqallinnissaq ullunik marlunnik kinguartillu sisamanngorpat pisussanngortinneqarpoq.
Inatsisartut siulittaasoqarfiat ataasinngornermi ualigaa nalunaarpoq oqallinnissap oqallisaaqisup inatsisartuni oqaluuserinissaa sisamanngorpat pisussanngortoq aappassaanneerneralu oktoberip 24-ani pissasoq.
Uran pillugu qallunaat kalaallillu suleqatigiissitaata nalunaarusiaa ataasinngornermi saqqummiunneqarpoq. Inuit Ataqatigiit oqallinnissap kinguartinnissaa piumasaraat isumaqaramik nalunaarusiap atuarnissaanut piffissaq sivikippallaartoq.
Maanna tassa ullunik marlunnik piffissaleqqinneqarput nalunaarusiap atuarluarnissaanut.