Skip to main content

Upernavimmi qalerallit akiginneqqusaaffiulerput

Qaleralinnik tunisassiornermi suliffeqarfiit pingasut Upernaviup eqqaani unammilleqatigiissamaalerput

Upernaviup eqqaani agguaqatigiisillugu qaleralinni tunisinermi kilomut 15 koruuninik akeqartitsineq allanngortinneqassannguatsiarpoq imarorpat aalisarneq aallartilluarpat. Tamanna pissaaq suliffeqarfiit pingasut qaleralinni tunisinermi aasamut unammilleqatigiittussanngormata.

Læs: Qaleralinniarnermi unammillertoqalerpoq

Qaleralinnik tunisassiortoq Halibut Greenland Ilulissaneersoq Upernaviup eqqaani umiarsuarmik tunitsiviliinissamut akuerineqarpoq taamatuttaarlu Suluk Fish Aps akuerineqarluni. Upernavik Seafood aamma nunami qulingiluanik tunitsiviuteqartoq qaleralinnik aasamut tigooqqaaniarpoq.

Namminersortut pigisaata Halibut Greenlandip Ilulissani ammarneratigut tunisinermi akit qaffannikuupput maannalu qaleralinnut anginernut kilomut 20 koruunit missaliorlugit akeqarlutik mikinerillu akikinnerumaarlutik.

Upernaviup eqqaani qalerallit 1 kilo sinnerlugu angissusillit maanna kilomut 15 koruunilersorneqarput ilimanarporlu aki taanna qaffassasoq.

Umiarsuit tunitsiviit akiginneqqusaattut
- Isumaqarpugut Upernaviup eqqaani tunisinermi akit qaffaallatsinnissaannut suli inissaqartoq. Kisianni naassaanngitsumut akitigut unamminissaq peqataaffiginianngilarput. Tunisassiornermi aningaasartuutit avammullu tuniniaanermi akit aalajangiisuusarput tunisinermit akit inissinnissaannut. Uagullu anguniartuarparput aalisartut pisaasa naapertuuttumik akilersornissaat, Halibut Greenlandimi pisortaq Niels Thomsen Sermitsiaq.AG-mut oqarpoq.

Akilli qanorpiaq inissikkumaarnissaat maanna oqaatigisinnaanngikkallarpaa.

Unammilleqatigiittoqalernissaanut Upernavik Seafood pissangalluni aamma utaqqivoq.

- Suliffeqarfiit tunitsivimmik umiarsualiisussat taakkuussagunarput akitigut imminnut unamminerpaasussat, Upernavik Seafoodimi pisortaaneq Flemming Andersen Sermitsiaq.AG-mut oqarpoq.

Taassuma aamma ilimagaa unammilleqatigiittoqalerpat tunisinermi akit qaffanneqarsinnaanerat.

- Qanorpiaq pisoqarnissaa utaqqimaaqqaassavarput. Kisianni ilimagisinnaavara tunisinermi akinik nalimmassaasariaqalersinnaanerput, Flemming Andersen oqarpoq.

Upernaviup eqqaani 2014-mi qaleralittassat 8.000 tonsiupput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER