Upernavik attaveqaqqilerpoq
Marlunngormalli silarlunnerata kinguneranik Upernavimmut Upernaviullu avaannut raatiukkut attaveeruttoqartarpoq. Sapaatiummat ajornartorsiut aaqqiiffigineqarallarpoq
Upernaviup eqqaani antenit, parabolit atortullu allat sermersimanerisa kingunerannik Upernavimmut Upernaviullu avannaata tungaanut raatiukkut attaveqaatit attavilussimaqaat.
Upernaviup eqqaani masannartuliorluni issangiatarnera ajornartorsiuteqarnermut pissutaavoq.
Sulisut ulluni arlalinni Upernaviup eqqaani qaqqap qaavani sakkortusaavik SAHO orninniartarsimavaat. Sapaatiummat kiisami silagissilaarmat qulimiguulik atorlugu qaqqap qaavanukartoqarsinnaanngorsimavoq.
- Atassuseeqqinniarluta ilungersorsimaqaagut, assinilu takuneqarsinnaasutut qaqqap qaavani silarlungaatsiarnera aporfigisarsimavarput, Tele-Postimi Teknikimut IT-mullu tunngatillugit pisortaq Jonas Hasselriis oqarpoq.
- Tele-Postimi sulisutta AK Montage-milu pilersuisutta immikkorluinnaq iliuuseqarnerisigut attaveqaatit attaveqaqqilersippavut, sulisut sapinngisartik tamaat sillimaniarnikkut illersorneqarsinnaasumik atortuutivut sermiiarpaat.
Sakkortusaaviit marluk Upernaviup kujataaniittut suli silarlunnermit eqqugaaqqapput, taamaammat teknikerit atortunik qulakkeerinnikkiartuutigalutik atassusiiartortussat aallartinneqarsimapput.
Nunaqarfik Innarsuit aamma atassuserneqaqqissaaq, timmisartorfinngorsinnaanerali utaqqineqartariaqarpoq.
Tele-Postimi sullitat tamamik attaveqaateqarnerat qulakkeeqqinneqassaaq, silarlunnerali pissutigalugu attaveqarsimannginnermut taarsiiffigitittoqarsinnaanngilaq.