Uparuaat: Nunaqarfimmi meeqqat ajornartorsiutillit ajornartorsiutaasut
Ukiuni kingullerni pingasuni tillinniarnerit aserorterinerillu Kangerlussuarmi naliginnaalersimapput, ulloq unnuarlu angerlarsimaffimmi Orpikkami meeqqat inuusuttullu sumiginnagaanikorujussuit najugallit qimaajuartarmata
‘Ani Butik arlaleriarluni tillin- niarfigineqarsimavoq. Aamma Cafe Nordlyset. Restaurant Roklubben aamma arlalippassuariarluni tillinniarfigitittarsimavoq aserorteriffigineqartarsimallunilu. Arktisk Kommandop illusisimaviat aamma taamatut.
Illut aasarsiortarfiit aamma, maanna aamma angallatit tillinniarfigineqartalersimallutik. Innuttaasut aamma allat sininnerminni ‘pulaarneqartarsimapput’. Biilinik tillittarput illoqarfiullu iluani sapiiserlutik biileqattaartarlutik.’
Illersuinissamut atorfilik Flemming Hougaard AG-mi atuartartut allagaanni ilaatigut taama allagaqarpoq.
Qeqqani politiit pisorpassuarnik Flemming Hougaardip atuartartut allagaannut allataasa pisimanerannik uppernarsaapput. Politiillu ittuata, Johan Davidsenip, erseqqissarpaa suliat paasisaqarluarfigisimallugit.
Nunaqarfimmilu siulersuisuni ilaasortap aamma inuusuttut ulloq unnuarlu najugallit nunaqarfimmi ajornartorsiutaasut nalunaarutigaa.
Allaaserisaq tamaat AG-mi aasaq magasin saqqummeqqammertumi atuaruk, taanna pisiniarfinniilereerpoq aamma e-avisitut atuarsinnaavat: