Unnuk kulturisiorfimmi inuit 2700-t politiit takusarpaat

Unnuk kulturisiorfik akunnerup naanerani ingerlanneqartoq iluatsittumik ingerlanneqarpoq. Takusarneqarsinnaasut ilaanni Nuummi Politiit inunnit takusarneqangaatsiarpoq, politiit nalunaarput. Nuummiut 2700-t missaanniittut politiinut takusaapput.

- Nuannersumik ulapippugut, neriuppugullu inuit isertut misigisaqarluarsimassasut, Søren Bendtsen Nuuk Politi oqarpoq.

Sapaatip akunneranut nalunaaruteqarnerminni Nuuk Politi taama nalunaaruteqarpoq. Sapaatip akunnerata naanera ulappuffiuvoq, qulingiluariaq nukersortoqarnernik politiinut tunniussisoqarpoq, aqqusinermi eqqissisaanerit marluk, angerlarsimaffinnut eqqissisaanerit aqqanillit, taakunani meerartallit pingasut, imminoornissamik siorasaarisut sisamat, ikiaroornartulerinerit sisamat, tillinniarnerit qulingiluat, pisiniarfinni tillinniarnerit tallimat, tillinniarnermut attuumassutillit allat pingasut, biilinik tillinnerit marluk, aserorterinerit pingasut, peqquserluuteqartoq ataaseq, angallannermut unioqqutitsinerit sisamat, angallannermi ajutoornerit inunnik ajoqqusiinngitsut marluk, suliffimmik tunngasoq ataaseq, kiisalu unnuk kulturisiortitsineq.