Nunatsinni Unnuk Kulturisiorfik illoqarfinni nunaqarfinnilu arlalinni ullumi arfininngornermi ingerlanneqaqqilerpoq.

Nuummi aaqqissuussinerit arlalissuupput, ilaatigullu Issittumi Sakkutooqarfik alakkarneqaersinnaalluni qimussimillu alapernaarsuisartoqatigiinni Siriusikkunni alapernaarsuinermi aqutsisuusimasoq naapinneqarsinnaalluni. Alapernaarsuisartoqatigiit maannakkorpiaq eqqumaffigineqartorujussuupput piviusulersaarut DR-imi takutinneqartoq pissutigalugu.

Namminersorlutik Oqartussat napasuliaanni pinngortitap sapiitsuliortui naapinneqarsinnaassapput Nunalerinermut, Imminut Pilersornermut, Nukissiuuteqarnermut Avatangiisinullu Naalakkersuisoqarfiup matuni 15.00-imiilli 18.00-ip tungaanut ammarpagit.

Nukissiorfiit Nuummi Sarfaannguani innaallagissiorfimmi tamanut ammatitsissaaq, tassanil ualikkut 16.00-imit 19.00-imut aaqqissuussineq aamma pineqarpoq.

Pinngortitaleriffik qerititsivimmiittunik aallersimasoq

Nukissiorfiit Facebookimi quppernerminni ilisimatitsipput, Unnuk kulturisiorfimmut atatillugu najukkami aaqqissuussinerit pillugit illoqarfigisaminni allagarsiussat alaatsinaassinnaagaat.

Pinngortitaleriffik aamma 15.00-imit 19.00-mut ammassaaq:

- Aalisakkanik uumasunik aallertoqareerpoq. Sorpassuillu qerititsivinni qaqinneqareerlutik Pinngortitaleriffik piareersimavoq, Pinngortitaleriffik Facebookimi quppernermini allappoq.

Nuummi aaqqissuussinernut tamarmiusunut pilersaarutit uani atuarneqarsinnaapput.

Sinerissami aamma arlalissuarnik aaqqissuussisoqarpoq, uani atuarneqarsinnaasunik.