Tele-Post
Unnuaru attaveeqaatit kipitinneqassapput
Tele-Post attaveqaatit ataasinngornerup unnuaani kipititsigallassaaq. Nuummi atortorissaarutit aaqqissuunneqarnissaat kipititsigallarnissamut pissutaapput
Nuummi attaveqaatini pisariaqartumik pitsanngorsaaviginnissat pissutigalugit ataasinngornerup unnuaani kiffartuussissutit ilai TELE-POST- ip pilersaarutaasumik attaverutsissavai.
Attaveerutsinneqartussat aaku:
- Bredbåndimut/ADSL-imut attaviit tamarmik
- Mobiltelefoneqarneq, Tusass, GSM aamma mobildata
- Iserfimmut telefoneqarnermut atuisut tamarmik
- MPLS Internet aamma VPN
Qarasaasiami programmit ajoquteqarput
Oqarasuaatit attaveerutsitsinermi eqqungaassanngitsut Tele-Post paasissutissiivoq.
Tele-Postip pilersuisuallu attaveqaatinut atortumi qitiusumik inissisimasumi softwaremi, kiffartuussissutinik assigiinngitsunik ingerlatitsisuusumik ajoquteqartoqartoq paasisimagitsik TELE-POST- imi IT-mut tunngasunik aqutsisoq Emil Kleemann tusagassiuutinut nalunaarummi allappoq.
- Tamatuma kinguneraa ataasinngorpat allatut ajornartumik attaveerutsitsisariaqarnerput, aamma siunissami kiffartuussissutini taakkunani sullitatta atugaannik ajortitoqaqattaarnani ingerlasoqarnissaa qulakkeerumagatsigu, Emil Kleemann oqarpoq.