Birna Bjránsdóttir
Unnerluutigineqartup nassuiaateqarnera takunnissimasut akerlilerpaa
Birna Brjánsdóttirip biilimi ilaasorineqarnerata nalaani ilaaqataasup unnerluutigineqartup nassuiaataanit allaanerulluinnarpoq
Takunnissimasup nassuiaateqarnera naapertorlugu taanna imigassamik sunnertisimangaatsiarsimavoq, taamaammallu eqqamaasai killeqarlutik.
Taamaattoq eqqaamasinnaavaa ullumi unnerluutigineqartup nassuiaatigisaanut naapertuutinngitsut.
Takunnissimasoq suliami tigummingallaganngortitaanikuuvoq, politiilli massakkut isumaqarput taanna pasineqarnissaanut pissutissaqanngitsoq.
30-nik ukiulik Polar Nanumilu inuttaaqatertik alla ilagalugu illoqarfimmiisimallutik, taanna eqqartuussivimmi nassuiaavoq. mbl.is allappoq.
Unnerluutigineqartoq takunnissimasorlu biilimut attartukkamut ikisimapput. Tassanngaanniillu taakku nassuiaataat assigiikkunnaarput. Takunnissimasup oqaatigaa biilimi artulersimalluni arnarlu islandimiu qanoq isilluni biilimut ikisimanersoq eqqaamanagu. Taassuma oqaatigaa aatsaat kilisaatip eqqaanut apuukkamik itersimalluni, ikaarsimallunilu.
Killormuarnillu unnerluutigineqartup nassuiaatigaa takunnissimasup arnaq oqaloqatigisimangaa kingornalu taanna kisimeeqatigalugu biilersimasut.
Imigassamik sunnertisimangaatsiarnertik pissutigalugu Birna Brjánsdóttirip biilimi sumerpiaq issiasimanersoq oqaatigisinnaanangu, taakku oqaatigaat.
AAMMA ATUARUK: Inuttap allap Birna ilagisimagaa unnerluussaasup oqaatigaa