Birna Bjránsdóttir

Unnerluutigineqartoq ullumi eqqartuussivimmi najuutinngilaq

Birna Brjánsdóttirimut toqutsisimasutut unnerluugitineqartoq ullumi eqqartuussivimmi najuutinngilaq. Mbl.is allappoq.

Angut 30-nik ukiulik, 20-nik ukiulimmut Birna Brjánsdóttirimut toqutisimasutut unnerluutigineqartoq, ullumi eqqartuussivimmi najuutinngilaq. Taanna eqqartuussinerup ullup aappassaaneerneqarani illersuisuata Páll Rúnar Kristjánssonip sinnerlugu najuuppoq. Mbl.is allappoq.

Suna pissutigalugu ullumi eqqartuussivimmi najuutinnginnersoq ilisimaneqanngilaq.

Ullumikkut ilisimasallit nassuiaatinneqassapput.

Suliami inuit pingasut pingaarnerit oqarasuaataasa angallattakkat sumiissimaneri, politiit ilisimasalittaasa nassuiaatigaat. Pineqartut tassaapput Birna, unnerluutigineqartoq T innuttarlu alla biilimeeqataasimasoq N.

Taakku tamarmik arfinginngornerup ullaassaani 5.20 Reykajvikip qeqqaniissimapput. Tassanngaanniillu umiarsualiviup tungaanut ingerlasimallutik.

Unnerluutigineqartoq T ippassaq nassuiaavoq biilimit niusimalluni taamaasillunilu Birna Brjánsdóttiri N-ilu kisimiitillugit ingerlatissimallugit. Mobilinilu biilimut katassimallugu, oqaluttuaraa.

Nalunaaquttap 6.00 missaani Birna Brjánsdóttirip oqarasuaataa attaveerussimavoq. Qaminneqarsimanersoq bateereerussimanersorluunniit, ersarissumik oqaatigineqarsinnaanngilaq.

Nalunaaqutaq 6.00 qaangilaaraa N-ip oqarasuaataa unissimavoq.

Nalunaaqutaq 7.00 missaani T-ip oqarasuaataa attaveerussimavoq. Piffissami tassani oqarasuaat Reykjanesbrautimiissimavoq, umiarsualiviup Polar Nanup talinngaffigisaata ungasinngisaani aqqusinersuaq.

Powered by Labrador CMS