Skip to main content

Unnerluussut: Panissiaminik pinngitsaaliilluni atoqateqartarsimasoq

Angutip Uummannameersup ukiut arfineq-pingasut ingerlaneranni panissiani 13-iniik 21-nut ukioqalernissaata tungaanut pinngitsaalillugu atoqatigisarsimavaa, kiisalu panissiani alla kinguaassiuutitigut allatut pisarsimallugu

Nunatta Eqqartuussiviata kinguaassiuutitigut atornerluisarsimaneq pillugu suliaq ilungersunartoq aqagu pingasunngornermi suliarissavaa.

AG taamatut allappoq.

Unnerluussisussaatitaasut naapertorlugit angut Uummannameersoq 40-t naangajalerlugit ukiulik pillugu suliamik suliarinneqqinneq matumani pineqarpoq.

Taanna piffissami 2001-imiit 2009-mut panissiaminik Uummannami najukkani assigiinngitsuni pinngitsaaliilluni atoqateqartarsimasutut unnerluutigineqarpoq. Unnerluussut naapertorlugu pinngitsaaliinerit niviarsiaqqap 13-iniik 21-t missaannik ukioqalernissaata tungaanut pisarsimapput. Aamma arnaq pineqartoq 25-t missaannik ukioqarluni Sisimiuniittoq pinngitsaalillugu atoqatigisimangamiut unnerluutigineqarpoq.

Angut aamma panissiaminik allamik Uummannami kinguaassiuutitigut allatut atornerluisimasutut kiisalu atoqateqatiginninniarsimasutut, panissiami imminut illersorluni tukertaaneratigut pinngitsoortinneqarsimasumik, aamma unnerluutigineqarpoq.  Atornerluinerit taakkua 1996-imiit 2005-imut arnaq 15-it inorlugit ukioqarnerani pisarsimappu.

Angut pinngitsuunerarpoq. Unnerluussisussaatitaasup ukiuni arfineq-marlunni pinerluuteqarsimasunut inissiisarfimmiittussanngorlugu eqqartuunneqarnissaa piumasaraa.

Suliaq pillugu AG-mi paasisaqarnerusinnaavutit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER