Skip to main content

Unnerluussut: Nuummi eqimattat peqqarniitsumik saassussisimapput

Angutit tallimat ilaatigut inissiami angummik arnamillu savimmik kapuuisimasutut isimmikattarinnissimasutullu ukiuni marlunni pineqaatissiisarfimmiittussanngortitaaratarsinnaapput. Unnerluussisoq naapertorlugu pissutaasut tassaasimapput ikiaroornartoq hash aningaasallu. Unnerluutigineqartut pisuunnginnerarput

- Maani Hotel Hans Egedemiippugu COVID siammatsaaliorniarlugu. Eqitaartoqaqqussanngilaq aamma qanippallaarluni issiasoqaqqusaanngilaq.

Sapaatip-akunnerani matumani ataasinngornermi ullaakkut eqqartuussiviup siulittaasuata, eqqartuussisup Kristine Olsvigip eqqartuussivimmi suliaq annertooq, angutit tallimat 23-nint 30-nut ukiullit unnerluutigineqarfigisimasaat aallarnermagu, oqaaqqissaarineq taama nipeqarpoq. 

AG allappoq.

Pinerluttulerinermik suliaq suliassarpassuit Eqqartuussisoqarfimmi Sermersuumi, Kalaallit Nunaanni Eqqartuussiviit apriilip 27-ani ammaqqinneqarnerisa kingorna, aallartissimasaannut, ilaavoq.

Coronap pissutigalugu killilersuinerit tunngavigalugu eqqartuussineq Nuummi illoqarfiup qeqqanin Hotel Hans Egedemi ataatsimiittarfimmi inimi angisuumi ingerlanneqartussaavoq. 

Taamaaliornikkut suliami attuumassutilippassuit akornanni naammattumik ungasissuseqartoqarnissaa qulakkeerneqassaaq: Unnerluutigineqartut tallimat, illersuisut tallimat, unnerluussisut marlukk, tusarnaariat tusagassiortullu. Kiisalu minnerunngitsumillu politiit uniformilli tallimat, unnerluutigineqartunik tallimanik tigummigallagaasunik assartueqataasut nakkutiginnittuusullu. 

Hashi anigaasallu

Angutit inuusukaat tallima eqqartuussivimmi suliami ataatsimoortinneqarnerannut pissutaasoq tassaavoq unnerluussutit allassimaffianni immikkoortunit katillugit 15-iusunit immikkoortut 13-iat.

Tamarmik ujajaaniarsimasutut pigisanillu aserorterisimasutut unnerluutigineqarput. 

Tunuliaqutaasoq tassaavoq, unnerluussut AG-mit takunnissinnaatitaaffigineqartoq naapertorlugu, angutit tallimat taakkua ukioq manna februaarimi ataasinngornerit ilaanni ualikkut nalunaaqutaq 12.45 Nuummi Nuussuarmi najukkamut takkussimanerat.

Taakkua tallimaallutik angut isimmikatarinninnermikkut, tillulaanermikkut savimmillu kapuinermikkkut hashimik arsaarinninninarfigisimavaat, unnerluussutillu naapertorlugit, arnat aalariarsinnaajunnaarlugu tigummisimallugu aningaasivianillu arsaarsimallugu. Arnaq seqquumi qulaatigut 5 centimeterinik takissusilimmik kilersimavoq, angullu ikusimmigut talerperlikkut 2,5 centimeterinik takissusilimmik savimmik ikilerneqarsimalluni. 

Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq:

Kapisilinni innuttaasut tusaaniarneqartut
Borgmesteri Charlotte Ludvigsen kommunimiillu sulisut Kapisilinnut tikeraamata Illu sullivik inunnik ulikkaavippoq. Kapisilinni ilaatigut takornariaqarnermi inuussutissarsiornermilu periarfissat...
Sermersuumi Nipilersornermik Ilinniarfiup meeqqat corona pillugu musikvideoliortikkai
Piffissap sungiusimanngisatta ingerlanerani arlaqarpugut ulluinnarni nutaanik ileqqoqartariaqarlutalu sungiussisariaqartut. Meeqqanittaaq tamanna misigineqarpoq, ilaatigut Coronaqarnerani...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER