Skip to main content

Unnerluussut: Angut biilinik sisamanik ikuallatsitsisimasoq

Angut biilinik sisamanik allaffimmillu ikuallatsitsisimasutut unnerluutigineqarsimavoq. Tamatuma saniatigut meeqqamik 15-it inorlugit ukiulimmik kinguaassiuutitigut innarliisimasutut aamma unnerluutigineqarsimavoq.

Angut 25-nik ukiulik ikuallatsitsisimasutut kinguaassiuutitigullu innarliisimasutut unnerluunneqarsimasoq pillugu suliaq Sermersuup Eqqartuussiviani pingasunngorpat suliarineqassaaq.

Unnerluussut naapertorlugu 25-nik ukiullip Nuummi Industrivej 27-p silataaniittoq biili 2018-imi decembarip aappaani ikuallatsissimavaa.

Inneq siaruaammat biilit allat sisamat allaffillu, Nunatta Isiginnaartitsisarfianit pigineqartoq ikuallalersimapput.

Ikuallattoqarnerani illu ajoquserneqarsimavoq, unnerluussullu naapertorlugu ajoqutit katillugit 918.810,54 koruuninik naleqarsimapput.

Codan Forsikring 319.390 koruunik taarsiiffigineqarnissamik piumasaqaateqarsimavoq, Kalaallillu Forsikring 599.420,54 koruuninik taarsiiffigeqqusimalluni.

Innarliisimasutut aamma unnerluutigineqartoq

Angut 25-nik ukiulik ikuallatsitsisimasutut unnerluutigineqarnermi saniatigut, kinguaassiuutitigut innarliisimasutut aamma unnerluutigineqarsimavoq, unnerluussut naapertorlugu 2014-imi innaliisimalluni.

Angut pineqartoq meeqqamik 15-it inorlugit ukiulimmik atoqateqarsimanngilaq, kisianni kinguaassiuutitigut allatut innarliisimasutut unnerluutigineqarsimavoq.

Innarliineq taamanikkut niviarsiaqqap 13-inik ukiortup sininnerani Nuummi pisimavoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER