Unnerluussut: Ikiaroornartuerniat Facebook niuerfittut atoraat

Aalborgimi eqqartuussisup decembarip aallaqqaataani ikiaroornartut pillugit suliami angisuumi, politiit kokainimik 800 gram missaannik annertutigisumik, hashimik 100 kiilumik illuinnarsuutinillu marlunnik imassalinnik nassaarnermut atatillugu, angutit tallimat tigumigallagassanngortippai.

Taakku saniatigut aningaasat 500.000 koruuninik amerlassusillit ikiaroornartuerniarnermit isertitaneersorineqartut politiit nassaaraat

Taama DR N Nordjylland allappoq.

Taakku tallimat Facebookikkut ikiaroornartuerniarsimasutut politiit pasivaat.

- Taakku pizzanik assartuisartunut assersuunneqarsinnaapput, taakku pizzamik bestiiliilluni angerlarsimaffimmut oqqussisartunut assersuunneqarsinnaapput.

- Ukulu immaqa alutornarnerulaarput, taakkumi Facebookimi matoqqasumik qupperneq siunertamut atorpaat, politikommissær Carl Dissing Nordjyllands Politiineersoq DR Nordjyllandimut oqarpoq.

Angutit tallimat 22-nit 33-nut ukioqartuupput, politiillu oqarnerat naapertorlugu taakku aaqqissuussamik suleqatigiipput.

Inuusuttut 100-t tikillugit Facebookikkut angutinit taakkunannga ikiaroornartorsisarsimasinnaasut Carl Dissingip oqaatigaa.

Unnerluunneqartut 21. decembarip tungaanut tigummigallarneqarput. Tallimat taakku unnerluunneqarnertik qanoq isummerfigineraat ilisimaneqanngilaq.

/ritzau/