Unnerluussisut pisortaat ukioq manna toqutsinerit tallimat pillugit: Ukioq manna toqutsisoqarneranik takusaqaqqinnginnissarput neriuutigaarput
Toqutsisoqarnerani suliat amerlasuut inunnut alianartuunerisa saniatigut politiinut sakkortuumik tatisisarput, kingullermik Tasiilami toqutsisoqarnera ukioq manna kingulliussasoq taakku neriuutigaat.
Maannamut 2022-mi agguaqatigiissillugu qaammammi ataatsimi toqutsisoqartarpoq.
Aviisi AG taama allappoq.
Tallimanit pingasut Tunumi pisimanerat eqqarsaatigigaanni tupinnarluinnarpoq, unnerluussisut pisortat vicepolitimesteri Morten Nielsen, Kalaallit Nunaanni Politiineersoq oqarpoq.
- Tassami Tunumi innuttaasut 1 procentingajarai. Kisitsisit qaffasilluinnarput. Qaffasippallaarujussuarput, taanna AG-mut oqarpoq.
Toqutsinerit 2022-mi amerlassusaat ”agguaqatigiissinneqarneri nalinginnaanngitsuusinnaasut”, tamatuma peqatigisaanik Morten Nielsenip naqissuserpaa, ukiuni toqutsiffiunngitsuni soorlu taamaattoqartartoq.
- Ukiut arlallit ingerlanerini amerlassusaat isiginiarneqassaaq. Kisitsisit uku ataatsimik toqutsisoqarnerani 20 procentimik qaffariartitsisussaapput. Kisitsisit ataasiakkaat procentinngorlugit sunniuteqartorujussuupput, taanna nassuiaavoq, nangillunilu:
- Maaniinnerma nalaani ukiumut arfineq-pingasoriarluni toqutsisoqarnikuuvoq. Siornatigut suli amerlanerusut. Tamatuma kisitsisitigut ”inikillisittarpaa”, ukioq mannalu toqutsisoqaqqinnginnissaa neriuutigisariaqarparput, Morten Nielsen, ukiut 15-it sinnerlugit Kalaallit Nunaanni Politiiniissimasoq taama nassueruteqarpoq.
Aviisimi AG-mi atuarnerusinnaavutit. Aviisi uani pissarsiariuk: