eqqartuussiviit

Unnerluussisussaatitaasut toqutsineq pillugu suliami eqqartuussutip sakkukinnerunissaa piumasaraat

Angut Tasiilaminngaanneersoq 2013-imi arnamik toqutsisimasutut ukiuni arfinilinni qaammatinilu arfineq-pingasuni isertitsivimmiittussanngorlugu pineqaatissinneqarnerani, eqqartuussivik kukkuluttorsungaatsiarsimavoq

Naliginnaasuunngilaq unnerluussisussaatitaasut pineqaatissinnerup sakkukillineqarnissaa piumasaqaatigalugu eqqartuussisimanermik suliassanngorteqqiisarnerat.

Angut taamani 17-niinnarnik ukioqarpoq, tamatumalu kinguneraa, eqqartuussinermi pineqaatissiinissaq nunap eqqartuussisuuneqarfianit aalajangerneqartussanngornera. Unnerluussisussaatitaasut, nukappiaqqap illersuisuiata eqqartuussisullu eqqartuunneqartup arnamik toqutsinermini ukiui arajutsisimavaat, ukiukinneralu pissutaalluni nunap eqqartuussisuuneqarfiata pineqaatissiinera sakkukukinnerulersinnaalluni, KNR allappoq.

2013-imi toqutsineq pivoq. Aatsaallu 2016-imi toqutsisoq Nordjyllandimi tigusarineqarpoq, toqutsisimaneralu pillugu apersorneqarluni.

Angut ullumikkut Tasiilami pineqaatissinneqarsimanini pinerluuteqarsimasut isertitsivianniissutigaa. Nunap eqqartuussisuuneqarfianut sisamanngorpat orniguttussaavoq. Unnerluussisussaatitaasulli pineqaatissinnerup sakkukillineqarnissaa piumasaqaatigalugu eqqartuussisimaneq suliassanngorteqqippaat, KNR allappoq.

Powered by Labrador CMS