Skip to main content

Unnerluussisoq: Innarliinerit pimoorulluinnartarpavut

Unnerluussisussaatitaasut isumaqarput, Nunatta Eqqartuussiviani tunngaviusumik aalajangiinerit marluk pineqartut ippassaq gamanut saqqummiunneqartut

Unnerluussisussaatitaasut tusagassiorfinnut nalunaaruteqanissartik ippassaq aalajangersimavaat, tassani pinngitsaaliisimanermi pineqaatissiissut kiisalu meeqqamut kinguaassiuutitigut innaarliisimaernmi pineqaatissiissut pineqarput. Taakkunani marluusuni niviarsiaqqat 13-inik ukiullit innarIerneqarsimapput.

Unnerluussisussaatitaasut nunatta eqqartuussiviani eqqartuussilluni sulianik taakkunannga marluusunik immikkut eqqumaffiginninnerminnut pissutigaat, sulianik taama ittunik pimoorussilluinnartarnerminnik takutitserusunnertik.

- Persuttaanerit innarliinerillu pillugit suliat pingaartilluinnarneqartarput, pingaartumik meeqqat innarlerneqarsimanerannut tunngassuteqartut, unnerluussisarnermi fuldmægtigi Emil Maegaard-Hofmann Sermitsiaq.AG-mut oqarpoq.

Tunngaviusumik aalajangiinerit

Tamatuma saniatigut taanna isumaqarpoq, tunngaviusumik aalajangiinerit pineqartut. Pinngitsaaliisoqarsimanera pillugu suliami najukkami eqqartuussiviup ukiumi ataatsimi qaammatinilu qulingiluani pineqaatissiissutaa, nunatta eqqartuussiviata ukiunut marlunnut qaammatinullu arfinilinnut sivitsorpaa. Pineqaatissiissummik sivitsuisoqarpot meeqqap ataatsip pinngitsaalineqarluni atoqatigineqarsimanera pissutigalugu.

Kinguaassiuutitigut innarliisimaneq pillugu suliami, tassa ngutip 30-nik ukiullip niviarsiaqqamik 13-inik ukiulimmik pingasoriarluni atoqateqarsimanera pillugu suliami qaammatini pingasuni isertitsivimmut inissiilluni pineqaatissiissut nunatta eqqartuussivianit allanngortinneqanngilaq.

- Isumaqarpugut tunngaviusumik aalajangiinerusut, pinngitsaaliillunimi atoqateqarsimaneq pillugu suliap takutimmagu meeraq pineqartillugu pineqaatissiissutit sakkortunerusarnerat. Suliap aappaani nunatta eqqartuussiviata naqissuserlugu aalajangerpaa, meeqqamut kinguaassiuutitigut innarliisarneq tunngavimmigut isertisivimmut inissiinermik kinguneqartartoq.

Tasiilamut sammitinneqanngitsoq

Suliat suliarineqarput Tasiilamut suliartornerit ilaattut, tassani kinguaassiuutitigut innarliinerit, pinngitsaaliinerit aapparisamillu persuttaasimanerit pillugit suliat arfinillit suliarineqarput.

Piffissami kingullermi Tasiilaq sammineqangaatsiarpoq, innuttaasullu ilaatigut nuanninngitsumik oqaluuserineqartarnertik ingasagilerlugu akerliunerminnik takutitsisimallutik.

Unnerluussisarnermi fuldmægtigip Emil Maegaard-Hofmannip erseqqissaatigaa, nalunaaruteqarneq illoqarfiup sammineqangaatsiarsimaneranik pissuteqanngitsoq.

- Soorunami tusagassiorfinnut nalunaarutissaq oqaasertalerniaraangatsigu suna oqariartuutigissanerlugu eqqarsaatigeqqaartuaannarparput. Nalunaarutivut tunumut pisimammata tunu pineqanngilaq. Siusinnerusukkut nunap ilaani inunnut ulorianartorsiortitsisumik pinerluttoqarsimagaagat, pingaartumik meeqqat pinerliffigineqarsimagaangata tusagassiorfinnut nalunaaruteqartarpugut. Tunngaviusumik aalajangiinerit pineqartillugit, innuttaasunit ilisimaneqarnissaat pingaaruteqartoq isumaqarpugut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER