Skip to main content

Unioqqutitsilluni qaleralinniarneq

Kalaallit Nunaanni Aalisarsinnaanermut Akuersissutinik Nakkutilliisoqarfiup ilisimavaa qaleralinniarluni aalisarnermi qassutinik nigartakippallaanik atuinerup annertusiartornera

Kalaallit Nunaanni Aalisarsinnaanermut Akuersissutinik Nakkutilliisoqarfiup (KANUAANAp) ilisimavaa qaleralinniarluni aalisarnermi qassutinik nigartakippallaanik atuinerup annertusiartornera.

Tamanna aningaasaqarnermut naalakkersuisoqarfiup Inatsisartunut ilaasortamut Hans Aronsenimut Inuit Ataqatigiinneersumut, tassunga tungnasumik apeqquteqartumut akissutaani atuarneqarsinnaavoq.

Atuaruk: Qaleralinniarneq 2015-imi iluatsinngitsoortoq

Qalerallit mikisut
- Qassutinik ningartakippallaartunik unioqqutitsilluni atuinermut pissutaagunarpoq qalerallit milliartornerat, qaleraleqassutsimullu tamanna, biologit siunnersuutaannit qaffasinnerusumik aalisarfioreersumut, ajortumik imminut sakkortusaataasumik sunniuteqarluni, Randi Vestergaard Evaldsenip akissutaani tamanna allaqqavoq.

Tassungalu tunngatillugu naqissuserpaa, qaleralinniarluni aalisarnermi piniutigineqartut nakkutigissallugit KANUAANA´p suliniuteqarfigisaasa ilagigaat.

Taamaattoq erseqqissarneqarpoq, KANUAANA´p ilimagimmagu sinerissap qanittuani aalisartut amerlanerussuteqartut nigartaqqortussutsit uuttuutaat pillugit malittarisassat eqqortumik atoraat, aalisartullu ikinnerussuteqartut – amerlanerussuteqartut ajoqutissaannik – piaaralutik malittarisassanik unioqqutitsisut.

Uppernarsinissaa ajornakusoortoq
Aamma naalakkersuisoqarfiup akissutaani atuarneqarsinnaavoq, ma
littarissat eqqortinneqarnissaannut atatillugu unamminartoq tassaavoq saarullinniarluni qassutinik aalisarneq aamma piffinni taakkunani, imartat aalisarfiit agguataarneqarsimanerini immikkut qaleralinniarluni aalisarfiusuni ingerlanneqartarmat, saarullinniarlunilu aalisarnermi nigartaqqortussutsit uuttuutaasa minnerpaaffissaat minnerulluni.

Taamaattumik saarullinniarluni aalisarnermi unioqqutitsiffiunani ingerlanneqartumi saniatigut qaleralinnik pisaqartoqartarnera pinngitsoortinneqarsinnaanngilaq.

Misissuilluni aprilimi aamma maajimi oqartussat angalanerminni tallimanik politiinut unnerluussuteqarput, kiisalu marlunnik akiligassiillutik. Suliallu arfineq-marluusunit arfinilli Qeqertarsuup Tunuaneerput.

Atuaruk: Avannaani nunaqarfik qaleralinnik aatsaat taamak tunisassiaqartigaaq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER