Skip to main content

Unammilerti: Nuummi inissaaleqisoqarnera aaqqiiffigineqassaaq

Illoqarfiit pingaarnersaasa kommuniani bormesteritut atuuffik pingaarutilik ukiumi nutaami qineqqusaarutigineqalerpat arnat oqaatsitigut unammiuaartussatut isikkoqarput.

Inga Dora Markussen nunami kommunit annersaanni: Kommuneqarfik Sermersuumi Siumut pissaanermik tigummeqqilersissinnaavaa. Siumup piffissami sivisuumi nuannarisarsimanngilaa, illoqarfiit pingaarnersaat qinigaaffiit atuuffiini arlalinni Inuit Ataqatigiinneersumik aqunneqartarsimanera.

Inga Dora Markussenip qineqqusaarnermi samminiagaasa pingaarnerit ilagaat inissaaleqisoqarnera, Siumumi politikkerip tamanna "ineqarniarnikkut ajornartorsiuteqarnermik" taavaa:

Nammineersinnaassuseqarneq

- Nuummi ineqarniarnikkut ajornartorsiuteqarneq namminersortut inissialiornissamut aningaasaliissuteqarusuttut pinngitsoorsinnaannginnerannut sanilliullugu assigiinngitsunik suliniuteqarnikkut aaqqiiffigineqassaaq. Inuinnaat inissaannik sanaartortoqassaaq inissiannullu akigititat akilerneqarsinnaassallutik kiisalu inuiqatigiinnut akuliutseqqinneqarniartut pisariaqartitsinermi inissaqartinneqartassallutik. Ineqarnissat inuit pisinnaatitaaffigaat, ilaqutariippassuillu ineqarnermikkut ulluinnaat atortagaat pitsaanerulersinneqarlunilu pilersuinissamut toqqissisimanerulersinneqassaaq, Inga Dora Markussen oqarpoq.

Borgmesterinngorniarniartup taamaalilluni ineqarnermut kommunip aningaasalersuisarnera pillugu isumaqatigiinngissut qineqqusaarummut ilannguppaa. Sammisaq nuannerpallaanngitsoq, Nakkutilliisut peqqussuteqarfigisimasaat, Peqqinnissaqarfik piffissami sivisuumi attartortitsisarluni assinganik periuseqaraluartoq peqqussuteqartoqarsimalluni.

Inga Dora Markussenip aamma qineqqusaarutiginiarpaa ”paasissutissat tunngavigalugit ilisimalersimasat aallaavigalugit meeqqanut inuusuttunullu sammititamik pinaveersaartitsinermik suliniuteqartarnerup” aaqqissuussaasumik ingerlanneqartalernissaa.

Meeqqat inuusuttullu suliniuteqarfigineqarnerat

- Ajornartorsiutit sumi atugaanersut qanorlu ittuunersut ilisimassavavut, taamaalilluta qinngasaarisarnerit, pujortarneq, imigassartortarneq, naamaartarneq, aserorterisarneq assigiinngitsunik neqerooruteqartarnikku - aamma aasaanerani atuanngiffeqartoqartillu - pinaveersaartissinnaavagut. Peqatigitillugu inuiaqatigiinnik kivitseqataaniarlutik namminneq piumassutsiminnik ikiuuttartut tapersersussavavut, Nuummi Siumut siuttuat piffissamilu kingullermi nuna tamakkerlugu ataatsimeersuarnermit partiip siulersuisuunerani siulittaasumut tullersortinngortoq oqarpoq.

Utoqqaat inissisimanerat apriilip arfernani qineqqusaartoqarpat qinersisartunit tusarneqartassasut aamma ilagaat.

- Kommunimi utoqqaat illuini utoqqarnik pitsaanerusumik isumassuisarneq aamma kommunimi meeraaqqerivinni meeqqerivinnilu meeqqanik pitsaanerusumik isumassuisarneq. Tamanna pissaaq sulisut amerlasuutigut ilinniagaqarsimanngitsuusartut piginnaanngorsarneqarnerisigut. Piginnaanngorsaanikkut aamma sulinermi aningaasarsiarissaarnerulernissamut periarfissaqalissaaq, tassa ilinniarsimasutut aningaasarsiaqalertoqassagami, Inga Dora Markussen isumaginninnermi pitsaanerusumik isumaginnittoqartarnissaata ukkatarineqarnerunissaanik kissaateqartoq oqarpoq.

Maligassiuisutut isigisaa

Chrlotte Ludvigsenimut IA-meersumut sanillulluni allaanerusumik qanoq politikkeqarniarnini pillugu aperineqarami, Siumut sinnerlugu borgmesteriusimasoq toqukkut qimagutereersoq Agnethe Davidsen, ”kommunalbestyrelsimi ilaasortanik tamanik peqataatitsisartoq” eqqaavaa.

- Siumumi taassuma periusaa malinniarparput, kommunillu immikkoortortaanni illoqarfigisaminnit nunaqarfigisaminnillu qinigaasimasut ullumimut sanilliulllugu tusarnaarneqarnerussallutik, ullumikkummi ilaasortat pimoorunneqartanngillat. Kingullertullu - minnerunngitsumilli - Siumut kommunalbestyrelsimi ilaasortatnik tamanik peqataatitsisarlunilu missingersuutit pillugu peqqissaartumik isumaqatiginninniartarniarpoq, Inga Dora Markussen ulluinnarni Royal Greenlandimi attaveqaateqarnermut pisortatut sulisartoq erseqqissaavoq.

Taassuma aamma inuiaqatigiinni naleqartitsisoqarnerulernissaa ujartorpaa.

- Inissaaleqisoqarnerata aaqqiiffigineqarnissaata saniatigut suliffiit amerlanerusut pilersinneqarnissaat pingaaruteqarpoq, suliffiit kommunip nunallu tamarmiusup avammut niuertarnerinut naleqartussaammata. Suliffiit nutaaliortut amerlanerit pilersinneqassapput, najukkani tunisassiassat suliarineqartassapput, unammillerti qeqqussat avammut niurutigineqarsinnaanerik oqaaseqartoq oqarpoq.

Naligiinngissuseq annikillisinneqassasoq

Taanna isumaqarpoq kommunimi naligiinngitsupilussuarmik atugaqartoqartoq, ataqatigiissitsisoqarnissaalu pisariaqartinneqartoq, taamaalilluni atugarliornerusut atugarissaarnerusullu immikkoortillugit ineqartitsisoqassanngilaq. Ilanngullugu eqqaavaa, suliffissaaleqisut ikilisimanerat pitsaasuusoq, ”ajoraluartumilli sulisut patajaanngippallaartut”.

Borgmesterinngorniuteqataaniartoq 48-nik ukiulik Siumumi siulersuisuunerni siulittaasumut tulliunermi saniatigut Imigassaq ikiaroornartorlu pillugit siunnersuisooqatigiinni siulittaasuuvoq. Siusinnerusukkut aviisimi AG-mi aaqqissuisuunerusimavoq Nunallu Avannarliit Killiit Siunnersuisoqatigiivini generalsekretæriusimalluni.

Læs hele sagen:

  1. Assigiinngitsumik atugaqarmeq nalimmassarneqassaaq
  2. Valgkampen vil foregå digitalt
  3. Qineqqusaarneq internetsikkut ingerlanneqassaaq
  4. Uligheden skal udjævnes
  5. Kiista varsler 10 årsplan for Sydgrønland
  6. Kiista Kujataani ukiunut qulinut atuuttussamik pilersaarusiorniarpoq
  7. Ludvigsen vil fremme familiers vilkår
  8. Ludvigsen ilaqutariinnut atugassarititaasunik siuarsaaniartoq
  9. Meeqqat inuusuttullu suliniuteqarfigineqartarnerat nukittorsarneqassaaq
  10. Styrket indsats for børn og unge
Atuarfiit, paaqqinnittarfiit, AKO-llu matoqqasut nalunaarsorneri

Piffissap kingulliup ingerlanerani illoqarfimmi atuarfiit, paaqqinnittarfiit AKO-llu tuniluuttoqarnera peqqutigalugu matusariaqarsimapput. Taamaammallu meeqqat angerlarsimasussanngorlutik...

Aqqusineq Illerngit 2001 matoqqasimanissaa sivitsorpoq

Kalaallit Airports siusinnerusukkut nalunaarutiginikuugaluarpaat aqqusineq Illerngit 2001 oktobarip aallaqqaatani 2021-mi ammaqqittussaasoq. Taannali novembarip aallaqqaataanut...

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

Seneste Ugeavis

SENESTE NUUK - NYHEDER