Skip to main content

Unammersuariaatsip aallanngortinneqarnissaa futsalertartunit neriuutigineqarpoq

Futsalimi nunanut allanut unammisartut ineriartoqqissappata, unammersuariaatsip allanngortinneqarnissaa pisariaqartoq nunanut allanut unammisartut neriuuteqarput.

Futsalimi unammisartut ineriartoqqissappata, Nunatsinni unammersuariaatsip allanngortinneqarnissaa pisariaqartoq, nunanut allanut unammisartut René Olsenip nunanut allanut unammisartunut sungiusaasuujunnaarneranut atatillugu allakkaminni ilaatigut aamma taamatut ilanngussaqarput.

Unammisartut KAK-lu qanimut unammersuariaatsip allanngortinneqarnissaanut suleqatigiinnissaat neriuutigaat.

- Ukiumut ataasiaannarluta GM-ertarpugut, tamanna nunanut allanut unammiartortarnitsinnut naammanngilluinnarpoq. Aamma corona pissutaalluni unammisartut unamminernik amigaateqarput kiisalu sungiusarnermi pitsaassuseq aamma appariarnikuulluni, unammisartut allagaqaamminni Sermitsiaq.AG-mut allapput.

Pitsaanerusumik aaqqissuussineq

Maanna unammersuariaaseq allanngortinneqartariaqartoq isumaqarput:

- KAK-mit siunnerfigineqartut aamma qanimut malinnaaffigineqaqqissaassapput. Sapaatip akunnerata ataatsip iluani unammisartut pitsaanerulersinneqarsinnaappat, naak nunanut allanut unammiartornissaat qaammatini arlalinni ungasissuseqaraluartoq?, unammisartut aperipput.

Nunani allani pissutsit

Nunatsinni futsalertarneq nunanit allanit kinguarsimanerusoq unammisartut maluginiarnikuuaat.

- Unammisartakkagut unammisartunut tulluartumik sungiusaasoqartinneqartarput, nalilersuisoqartarlutik, saassussinermi sungiusaasoqartarlutik, illersuinermut sungiusaasoqartarlutik, timigissaasoqartinneqartarlutik sportspsykologeqartarlutillu. Tassa nunat unammisartakkagut taamatut atugassaqartinneqartartut, unammisartut tikkuaapput.

René Olsen nunanut allanut sungiusaasuugallarmat assigiinngitsunik unammisartunut atugassaqartitsinikuuvoq, arsaattartunit iluarisimaarneqarluarluni.

Ammasumik oqaloqatigiinnissaq

- Unamminissamut isumaqatigiissutinik, taktikkinut tunngasunik assigisaannillu nunanut allanut sungiusaasuusimasup unammisartunut tunniussaqarnikuuvoq. Tamanna unammisartuunitsinnut naleqalersitsinikuuvoq. Aamma inuusuttuaqqanut, nunanut allanut unammisartunngorlaanut pitsaasumik holdimut isertitsilluartarluni, allapput.

Taamaattumik KAK qanimut suleqatigalugu ineriartortoqarnissaa assigiimmillu anguniagaqartoqalernissaa anguniarlugu oqaloqateqarnissartik nunanut allanut unammisartut neriuutigaat.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER