Skip to main content

Unammersuaqataasut ilaat suli angerlamut apuutinngitsut

Avannaata Qimussersua Ilulissani ingerlanneqartumi peqataasut tamarmik suli angerlamut apuutinngillat. Upernaviup eqqaani nunaqarfinneersut suli nunaqarfimminnut apuutinngillat

Avannaata Qimussersua Ilulissani marsip 29-ani ingerlanneqarpoq. Peqataasut marluk suli angerlarfissaminnut apuutinngillat, taakku Upernaviup avannaani nunaqarfinneersuupput Nuussuarmit Kullorsuarmiillu. 

Upernaviup nunaqarfiisalu eqqaani sikkorlummat sukkaniukkiat taakkua marluk Nutaarmiuni uninngagallarput, ingerlaartup aappaata angerlamut 200 kilometerit missaat suli aqqutissaraa.

Radioaviisi nalunaarpoq. 

Avannaata Qimussersua naammassimmat Aron Sakariassen Nuussuarmeersoq aamma Jonas Kristensen Kullorsuarmeersoq Upernavimmut timmisartuunneqarput, tassanngaanniillu nammineq angerlamut qimussertussaallutik. 

Angerlamut aallarlutik ullumi misileeqqissasut radioaviisi nalunaarpoq. 

Jonas Kristensenip neriuutigaa ullut pingasut sisamalluunniit qaangiuppata Kullorsuarmut apuussinnaanissani, siku aqqutigineqarsinnaassappat.

Avannaata Qimussersua pillugu allaaserineqarsimasut atuakkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER