Skip to main content

Unammeqataagit: inuunerit nammineq akisussaaffigiuk

Illoqarfimmi innuttaaqatigiit Facebook-ikkut kajumissaarutigaat namminneq inuunerissaarnissaminnut akisussaassuseqaqqullugit, inunnullu allanut akisussaassuseqaqataaqqullugit

Nammineq inuuninnut akisussaassuseqarnerit pillugu videoliorit!

Gruppi imminut taasoq ´Inuunera- akisussaaffiga´, Facebook-ikkut kajumissaarivoq, taassuminngalu suliniuteqartuuvoq Nuummi najugalik Svend L. Larsen.

Juulimi aallartippoq

Gruppi ukioq manna juulimi pilersinneqarpoq, tassanilu piumassutsiminnik imminnut inoqamminnillu assigiinngisitserusuttut katersorniarneqarput.

– Immitsinnut ikiota, immitsinnut allanullu akisussaassffeqarluta. Anguniagaqarniarluta ikioqatigiitta, siunissamullu pitsaanerusumut nakkarfissarpassuit nakkarfiginaveersaarlutigit. Pigiliussanik qimatsisunngorta allanullu maligassiuisunngorluta, Svend L. Larsen Facebook-imi quppernermini kajumissaarivoq.

Videoliat

Suliniut kingulleq tassaavoq videolikornissaq, tassani mobilikkut imaluunniit ipad-ikkut allatigullu, isiginnaagassiaaraliaralugu soorlu namminersortuuneq, akisiussaassuseqarneq, allamik ataqqinninneq, ikiuimatuuneq, kiffartuussineq il.il.

Suliniutillit akissarsiassanut aningaasaliisunit 7.500 koruuninik pissarsisimapput.

Unammisitsinermi peqataanissamut killlissarititaaavoq novembarip 15-iat, ajugaasullu novembarip 28-ianni tsmanut saqqummiunneqassapput.

Imminut sammeqqaarit

Svend L. Larsenip Facebookimi oqaaseqaateqarnermigut tikkuarpaa akisussaassuseqarneq sorpassuartigut takutinneqarsinnaasoq, assersuutigalugu aalisakkanik suliffissuarmi aalajaatsumik sulisuuneq imaluujnniit meeqqat pinnguartarfianni meeqqat peqatigslugit maangaannaq eqqakkanik saliineq.

Allannguutillu tamarmik inummit namminermit aallartittarput.

Illit inuunerit allarpassuillu inuunerat allanngorteqataaffigisinnaavaat. Imminut akisussaaffeqarit, imminut ilumoorutigit inuunerillu isiginiarlugu. Pilluarpit, ilaquttatit pilluarpat, taamaanngippat tamanna ilinnik, allanilluunniit pissuteqarpa? KIkkut tamarmik isumaqartarput soqutaavallaarneq ajortoq, qungujuttaruilli, illartarlutit, eqitaarisarlutit nuannersumik kusanartumillu oqartarlutit allatulluunniit, taava qaninnerpaatit itisuumik sunnertassavatit, Facebook-ikkut kajumissaarisoq erseqqissaavoq.

– Qitornavit, aappavit ilaquttavillu sapigaraatsit. Ikinngutivit aamma sapigaraatsit. Asavatsigit, arajutsisaagit qaniginerpaasatillu nuannaarutigikkit, immikkut illiorfigilaartakkit, tamanna nuannaarutigisassaqaat. Pujortartarpallaalaaruit imaluunniit imerpallaalaartaruit/nerivallaalaartaruit, tamanna nammineerlutit unitsissinnaavat. Naaggaarit inuunerillu nammineq aqullugu. Allat inuunerit aqussanngilaat. Illit inuuneraat illiuvutillu, inuunerillu nammineq aqutassaraat. Imminut oqarfigigit ´inuunera nammineq aqutassaraara´, Svend L. Larsen erseqqissaavoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER