Skip to main content

Umiatsiartumut nuliaasoq: Uiga tammaaneqarpoq

Ilulissat eqqaanni umiatsiarluni tammaaneqartup nuliata allataa attortinnartoq atuarneqarsinnaavoq

- Ajukkuppunga maniguuteqaanga. Kiserlioqaanga, oqaasissakka naloqaakka, Ilulissat eqqaanni angutimut umiatsiartumut tammaaneqartumut nuliaasoq Johanne Olsen Facebookiminut allappoq. 

Johanne Olsen Ilulissani kommunalbestyrelsimut ilaasortaanikuuvoq. 

Ilulissani najugaqartut Johanne aamma Gustav Olsen innuttaasunit ilisimaneqarluartuupput. 

Johanne Olsenip Facebookimini tallimanngornerup ullaani allataraa.

- Uinnguama ikinngutigut Inger aamma Ole Davidsen Fredericiameersut Saqqamiit Ilulissanut aagaluarlugit tikinngitsoorput, Johanne Olsen allappoq. 

- Ukiut 30 it sinnerlugit ikinngutitta uiga kissaateqarfigisimavaat aaqqullutik, naalla allamut ilaasussaagaluarlutik peqquteqarlutik angerlarnissartik Ilulissanut siuartilaarsimavaat. Gustaallu ikinngutitsinnit aperineqarami soorunami ikiuukkusukkami aagaluarlugit tammarpoq. 

- Angallaterput Nordstar 26 aamma tammaaneqarpoq. Ingerikkut ikinngutitik Danmarkimeersut marluk aappariit Nunatsinnut asaqisaminnut feriaqatigisimavaat, maannakkullu tamarmik ajunaarsimapput, Johanne Olsen allappoq.

- Ernumaqaanga, ajuusaaqaanga, Johanne Olsen allappoq. 

Sermitsiaq.AG Johanne Olseni isumaqatigereerlugu Facebookimi allatai nittartakkami ilanngunneqarput. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER