Skip to main content

Umiatsialivimmik aqutsiniarluni qinnuteqartoq ataasiinnaq

Nuup illoqarfittut ilaani Qinngorpumi umiatsialivimmik aqutsinissamut soqutiginninneq killileqartorujussuuvoq. Qinnuteqarfissamummi killigitinneqartoq 1. september qaangiunnerani qinnuteqartoq ataasiinnaasoq, kommunip paasivaa.

Miki Høegh aqqartartutut suliffeqarfiutilik 'Masik', pingajussaanik umiatsialivimmik soqutiginnilluni, Sermitsiaq.AG-mut paasissutissiaraa.

Suliariumannittarsiuussineq allannguuteqartoq

Maanna akuersissummik tunineqarnissaq iluatsissanersoq piffissap takutikkumaarpaa. Kommunimmi suliariumannittussaarsiiuussinerani inuit qinnuteqarsinnaanerannik periarfissiisoqarpoq.

- Akisuvoq, sanaartugassammi 850.000 koruuninik naleqarput. Immami eqqakkanik salitassarpassuaqarpoq. Aqqartartut piffissaqaleriarpata saliniissamut piffissaqalissaangut, tamannalu aningaasartuutinut ikilisaataassaaq, Miki Høegh oqarpoq.

Nuliata Bodil Høeghip ikummatissaarniarfik Nuuk Oil Qinngorpumiittoq ingerlataraa, taannalu imminut akilersinnaasumik ingerlalissappat, saliisoqarnissaa umiatsialivimmillu pilersitsisoqarnissaa pingaaruteqarpoq.

Sanaartorfissaq 4 pingereeraat

Sanaartorfissaq 4, umiatsialivimmut sanaartornermi atorneqartussaq akuersissutaa pissarsiarereersimallugu, Miki Høegh paasissutissiivoq.

- Tassani pilersitsiniarnerup akisunerujussua ajornartorsiutaavoq, aningaasarpassuimmi atorneqartussaapput, Miki Høegh paasissutissiivoq.

Neriuutigingallarpaalu ikummatissarsiniartarfiup umiatsialivik iluaqutigissangaa, aningaasartuutillu ikinnerpaaffissaaniitinniarlugit eqqagarpassuit aqqartartunit salinneqarumaartut.

Piffissap takutikkumaaraa

- Kisianni piffissap takutikkumaarpaa. Kommunimiimmi akuersissummik tunineqassanerluta takoqqaassavarput, Miki Høegh oqarpoq. Suliffeqarfiutaalu aqqartartut suliassarpassuarnik assigiinngitsorpassuarnik suliaqartartuuvoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER