Umiatsiaaraq inuttaqanngitsoq ujaasinermik aallartitsisoq

Umiatsiaaraq tamakkersorluni ingerlasoq Avannaani siumorneqarsimasoq, umiatsiaaqqamili aquttoq tammaaneqarpoq.

Kalaallit Nunaanni Politiit ilisimatitsissutigaat, Upernaviup eqqaaniittumi, nunaqarfiup Tasiusaap avannaata tungaani ujaasineq arfininngormat ullup-qeqqanut aallartineqarsimasoq.

Ujaasineq aallartinneqarpoq, politiit nalunaarfigineqarmata, umiatsiaaraq siumorneqarsimasoq. Umiatsiaaraq tamakkersorluni ingerlasoq siumorneqarsimavoq, inuttaqaranili.

Taamaammat umiatsiaaqqap inuttaa maanna ujaarineqalerpoq

Qulimiguullit marluk timmisartorlu ataaseq ujaasitinneqarput.

Kalaallit Nunaanni Politiit ataqatigiissaarinermi akisussaaffik Issittumi Sakkutooqarfimmut tunniussimavaat, politiit pigaartuisa pisortaat ilisimatitsivoq.

Illersornissaqarfiup Sermitsiaq.AG-mut ilisimatitsissutigaa, Issittumi Sakkutooqarfiup qulimiguullit marluk timmisartorlu Challenger ujaasitilersimagai.

Umiarsuaq alapernaarsuut Lauge Koch sumiiffimmut aamma ingerlaarpoq, umiarsuarlu Tasiusap eqqaanut sapaatiuppat ullaakkut arfernup eqqaani tikiutissasoq naatsorsuutigineqarluni.

Powered by Labrador CMS