Umiatsiaaqqap kinngunerani ataaseq ajunaarpoq
Sisimiut eqqaani umiatsiaaraq pingasunik ilaasulik arfininngornermi ualikkut kinnguvoq aalisakkanik useqarpallaarnerup kinguneranik. Inuit marluk annapput angullu 44-inik ukiulik ajunaarluni.
Annonse
Sisimiut eqqaani umiatsiaaraq kinngusimasoq politiinut nalunaaqutaq 16.00-ip missaani nalunaarutigineqarpoq.
- Umiatsiaaraq kinngusimavoq aalisakkanik useqarpallaarluni. Arnaq angullu nunamut nalussimapput. Pingajortik nunamut apissippaat ajoraluartumillu toqoreersimasoq, pigaartut pisortaat, Mads Lynge oqarpoq.
Taanna oqaluttuarpoq annattut marluk maanna ajunngitsut.
- Qiiasimagaluarlutik annertunerusumik ajoqusersimanngillat, pigaartut pisortaat oqarpoq.
- Unnuap ingerlanerani biilinik angallattunik nakkutilliinerput annertusivarput. Taamaasiornikkut imigassartorsimasumik ataatsimik biilertumik tigusaqarpugut, Mads Lynge oqarpoq.
Imigassartorluni biilertunik allanik sineriammi tigusaqartoqanngilaq.