Umiatsiaaqqamik angalasut marluk qulimiguulimmit annaanneqarsimasut
Umiarsuup alapernaarsuutip Tritonip qulimiguuliutaa Seahawk marlunngormat unnukkut Arsuup eqqaani umiatsiaatsiaaqqamik angalasut marluk annaassimavai.
Annonse
Issittumi Sakkutooqarfik marlunngormat unnukkut Arsuup eqqaani annaassiniaqataasimavoq.
Illersornissaqarfiup ulloq unnuarlu nalunaarusiaa naapertorlugu, umiarsuup alapernaarsuutip Tritonip qulimiguuliutaa Seahawk marlunngormat unnukkut qulit qeqqata missaani annaassiniaqataatinneqarsimavoq.
Inuit marluk Arsuup qujataani 16 sømilisut ungasitsigisumiillutik mortoorimminnik unittoorsimapput. Ulloq unnuarlu nalunaarusiaq naapertorlugu piffissami pineqartumi anori sekundimut 19 miiterisut sakkortussuseqarsimavoq, sulilu sakkortusiartorsimalluni.
Inuit marluk umiatsiaaqqamik angalasut qulimiguulimmit annaanneqarsimapput Arsummullu anngunneqarsimallutik.