Umiatsiaaqqamik ajutoornermi arnaq maqaasineqartoq angullu ajoquserujussuartoq
Taakku umiatsiaaraat Alluitsup Paata eqqaani ikkarlummut aporpoq
Annonce
Ippassaq unnukkut nalunaaqutaq 21.30-p missaani ajutoorneq pillugu politiit nalunaarfigineqarput, KNR taama allaaserisaqarpoq.
Umiatsiaaraq angummik nulianillu ilaasoqartoq Kujataani Alluitsup Paata eqqaani ikkarlummut aporpoq.
Angut umiatsiamiittoq ajoquserujussuarpoq, apornermilu ilisimajunnaarpoq. Taannali tamatuma kingorna nunamut pisinnaasimavoq. Taanna ullumi arfininngornermi Nuummut aallarunneqarpoq. Nulia suli ujaarineqarpoq, Issittumi Sakkutooqarfik aamma najukkami upalungaarsimasut ujaasinermi peqataapput.