RAL

Umiartornissamut pilersaarutit Verner Hammekenip attatiinnarpai

RAL-p Sulisitsisut Peqatigiiffiatalu ataatsimiinnerup kingorna oqaatigaat oqaloqatigiinnerit aallartissimallugit.

Verner Hammeken redegjorde ved et informationmøde i slutningen af juni for RALs planer

Saqqumisumik assortuutigaatsiareerlutik, Royal Arctic Line aamma Sulisitsisut Peqatigiiffiat ataasinngornermi naapeqatigeeriassallutik ataatsimiipput.

- Pitsaasumik oqaloqatigiissimavugut, tamatumalu aallartinneqarnera nuannaarutigaaraa, RAL-ip pisortaanera Verner Hammeken Sermitsiaq.AG-mut oqarpoq.

Sapaatip-akunnerata aallartilaarnera Sulisitsisut Peqatigiiffiani pisortaanerup Brian Buus Pedersenip ataatsimeeqatigiissimaneq iluarisimaarlugu aamma oqaatigaa.

- Royal Arctic Line pitsaasumik ataatsimeeqatigaarput, taanna taama nalunaaruteqarpoq.

Illuatungeriit isumaqatigiissutigaat atuisut Royal Arctic Linemut pisariaqartitaat naatsorsuutaalli misissuiffigissallugit.

- Umiartornernik allannguisimatilluta atuisutta allannguutit qanoq atorluarsinnaaneraat, misissuinermi aammattaaq qulaajassavarput, Verner Hammeken oqarpoq.

Taamaasilluni Verner Hammekenip aamma naqissuserpaa, Royal Arctic Linenip pilersaarutai umiartornerit Aalborgimiit Nunatsinnut matoqqasumik ingerlatseriaatsimiik ammanerusumik Aahusi aqqutigalugu nunarsuulli sinnera Nunatsinnut attaveqaataalerumaartut.

Powered by Labrador CMS