Skip to main content

Umiarsuit takornariartaatsit aappaagu tikinnissaat neriuutigineqarpoq

Coronavirusi pissutaalluni ukioq kingulleq takornariartaatsinik tikittoqanngitsoorpoq ukioq kingulleq. Aappaagu tikittoqarnissaa Visit Greenlandimit neriuutigineqarpoq. Takornariartaatsit assigiinngitsut katillugit 300-nit amerlanerusumik tulannissaat naatsorsuutaavoq.

Takornariartaatsit katillugit ikinnerpaamik 354-riaq sumiiffinnut assigiinngitsunut tulannissaat Visit Greenlandimit naatsorsuutigineqarpoq.

Tamanna Mads Daniel Skiftemit Sermitsiaq.AG-mut oqaatigineqarpoq. Umiarsuit assigiinngitsut 40-t missaanniittut Nunatsinnukarnissaat naatsorsuutaavoq, umiarsuit ilaat arlaleriarlutik sumiiffinni assigiinngitsuni tulattarnissaat naatsorsuutaavoq.

- Taamaattoq coronavirusip pissutigisaanik sunaluunniit qulakkeerneqarsinnaanngilaq. Taamaattoq soorunami takornariaqarluarnissaa neriuutigaarput, oqarpoq.

Umiarsuaatileqatigiiffiit sillimalluarput

Takornariartaatsit tikittussat suli amerlanerusinnaasut aamma oqaatigaa.

- Umiarsuaatileqatigiiffiit tamarmik covid-19-mut sillimalluarniartuupput, aamma uagut takornarialerisunut innersuutinik siammarterinikuuvugut, soorlu takornarianut qanillivallaannginnissamik innersuutit. Kisianni oqaatigerusunnarpoq, umiarsuaatileqatigiiffiit tamarmik sillimaniartorujussuupput, tuniluuttoqannginnissaa pinaveersaartinneqarluartarluni, Mads Daniel Skifte nassuiaavoq.

Taamaattoq takornarialerinissaq aappaagu qanoq isikkoqarpiassanersoq suli qulakkeerlugu oqaatigisinnaanngilaa.

- Allaanerusumik eqqarsartoqartariaqarpoq, imaassinnaasormi aalajangertoqartoq inoqarfiunngitsunut umiarsuit kisimi tulattassasut, taamaasilluni Nunatsinni tuniluuttoqannginnissaa qulakkeerneqarsinnaammat. Taamaattumik misissuisoqartariaqarpoq suut tamanut pitsaanerpaajussanersut, oqarpoq.

Oqaluuserineqartariaqarpoq

Takornariat illoqarfinnut tulattassanngippata aningaasatigut iluanaarutaavallaarnavianngilaq.

- Taamaattumik suut periarfissaanersut ujartuisoqartariaqarpoq. Kisianni Nunatsinnukartoqarnissaa pingaaruteqarpoq Kalaallit Nunaat siunissami tikinneqartuarnissaa qulakkeerniarlugu. Qanoq aningaasarsiorluartoqarsinnaanersoq eqqartueqatigiittoqartariaqarpoq, Mads Daniel Skifte oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER